前Super Girls成員陳穎欣（Yanny），昨日（14日）跟拍拖9年的著名音樂監製陳考威（Gareth）在澳洲結婚，並選址在墨爾本郊區的Stones of the Yarra Valley酒莊舉行童話式的婚禮，多位圈中好友出席，當中包括MIRROR成員AK（江𤒹生）和Ian（陳卓賢）、余文樂、余香凝、游學修和女友陳苡臻、蘇致豪、黃偉文、梁釗峰、吳肇軒等人，星光熠熠見證一對人的幸福一刻，事後余香凝亦有於社交網分享當日靚相，當中見廖子妤手上拿着花束，接到新娘子的花球。一對新人在眾親友面前肉緊咀爆，晚上更安排了大花環節，十分浪漫。
連前Super Girls隊友蔡明思（Jessica）、吳嘉禧（Cheronna）為新娘擔任姊妹，親手為新娘子穿上中式裙褂，十分溫馨有愛，勾埃起網民的回憶殺；連忙於宣傳電影的古天樂在吳肇軒的社交平台留言送祝福：「麻煩管理員幫我恭喜一對新人！」陳穎欣在社交網分享了行禮最美麗的時刻，並寫下：「We are married!」相中見她穿上白色婚紗，仙氣十足，而新郎陳考威則以一身白色西裝上陣，猶如白馬王子，二人牽手進場，開心得笑到見牙唔見眼，而在宣讀誓詞時，一直手拖手深情對望，更肉緊嘴咀，甜蜜程度爆燈。
Yanny接受東網訪問分享喜悅心情，她說：「好開心到外地舉行咗婚禮，見到好多朋友，大家都玩得好開心，最難得就算唔喺香港，仍然見到一班熟悉嘅面孔，有一種好特別感覺，最特別係一啲移居外地嘅朋友，例如Wyman，甚至乎一啲移居加拿大嘅朋友，佢哋坐好耐飛機嚟參加我哋嘅婚禮，所以好開心，好感動同好感恩。」她表示老公Gareth跟Wyman雖然一直有合作，但一直只透過電話和網絡聯絡，之前從未真正見過真人，今次婚禮是二人的首次碰頭，她續說：「在場有好多賓客，大家都一齊唱歌、表演，令全場氣氛都好高漲，特別在場嘅每位歌手，都送上佢哋特別嘅歌聲作祝福。」
Yanny表示因事前有很多事要去籌備，加上不夠休息，坦言跟老公也感到很累，可幸有好友幫忙搞今次婚禮，令二人輕鬆了不少，可以盡量享受其中：「我覺得最驚喜係Gareth不停喊，因為佢平時係一個好少喊嘅人，但現場無論進場、同父母說話、影相，佢都好感觸咁喊，令到我都覺得好感動。我本身認為結婚可以簡簡單單就好了，好多謝Gareth提出一定要搞呢個婚禮，畀我嘅體驗原來係咁開心、咁有幸福感，令到大家都覺得好難忘。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
