75歲內地影后劉曉慶去年身陷逃稅風波，雖然澄清過後繼續開工，不過佢都跟住大趨勢轉向拍攝短劇，佢最近就有短劇《錦繡安然》上線，點知一出即上熱搜！已年過7旬嘅佢，於劇中同細38歲男演員金珈拍吻戲，劉曉慶亦再次演少女，而劇中飾演太后嘅女演員，更係比劉曉慶小12歲，網友高呼「編劇敢寫、導演敢拍，慶奶還真敢演」！
劇中劉曉慶飾演少女主角，同37歲男主角金珈桃花樹下吻戲，瞬間引爆熱搜，近40歲年齡差令輿論直接撕裂成兩半。呢場吻戲被稱為「小雞啄米式」，劉曉慶全程親自上陣，為貼合劇情反覆拍足18次，凌晨淋雨排練亦唔嗌Cut，雖然敬業度滿分，劇組又加上重度柔光Filter弱化年齡感，不過網友都感嘆呢位名不見經傳嘅短劇男主角可以搭上劉曉慶，即使畫面違和，但男主角亦非常敬業。劉曉慶亦為此霸氣回應：「劇本需要，非個人加戲。」又直言「女性不應被年齡定義」。有網友大讚佢打破年齡枷鎖、為高齡女星拓寬戲路，亦有人寸佢濾鏡再厚都藏唔住歲月痕迹。
而劉曉慶戀愛世界一直好豐富，網絡曾盛傳佢「至少有8段戀情」，去年佢就公開否認，直言自己戀愛經歷其實「數得過來」，又表示目前重心放在工作上：「現在正是衝事業的年紀」唔希望被花邊新聞定義。劉曉慶表示外界對佢感情生活嘅說法多半誇大失實，佢強調，真正有過嘅感情關係其實不多，其中「兩個是結過婚的伴侶」。公開資料顯示，劉曉慶共有四段婚姻，分別是首任演員丈夫、助理及現任富商丈夫。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
