怕被指消費前度：畢竟牽涉到兩個家庭
主持人方健儀未有開名提及滕麗名過去兩段情，只說：「你每次新聞一出，總會有兩名男士伴隨喺名字旁邊，會唔會覺得好糾纏？」滕麗名在節目中大方回應：「做娛樂圈一定會有，通常我取決於唔好要影響到別人嘅家庭，畢竟牽涉到兩個家庭。老實講，次次都係人哋問，我攞出嚟消費。」主持人方健儀亦立刻為她平反：「我做證，係我問唔係阿滕問。」
愛情觀與「善柔」相似
滕麗名指自己的愛情觀與「善柔」有些相似，她說：「我真係唔鍾意強求，強求真係無幸福，我覺得係你就係你，正如你條路係Push你點去行，後生時荷爾蒙作崇，嘩，鍾意就會...好鍾意好鍾意好鍾意，但要同我分手嘅話，我會忘記得你好快！」還會當機立斷，阿滕續說：「好清晰，狠添！」
分手不會互相謾罵 留最美好回憶
滕麗名覺得分手或許是人生一個旅程，後續如何面對亦十分重要，她說：「我可以話畀你聽我做到，女人要瀟灑唔好做糾纏，我覺得一段就算分咗手嘅感情，但你拖拖拉拉，互相謾罵，連你最基本美麗回憶都冇埋，你真係蝕咗嗰十年，我覺得做女人要尊重你自己，要活得有尊嚴，咁先可以令你打後人生更出色。」
她更分享了自己獨特的「阿Q精神」失戀療癒法，就是幻想神燈給予願望，對方意外身亡後能死而復生，代價是兩人必須分手。「我答應咗，佢又真係有返條命，而我又同佢分手，但我會默默喺度笑，我會好開心，因為你存在。」
遇上真命天子 對丈夫「嗲到暈」互說BB話
滕麗名終於在2013年遇上真命天子朱建崑（Matthew），兩人結婚12年恩愛如昔。滕麗名透露，當年是在朋友的聚會上被撮合，如今在丈夫面前，她會完全卸下強悍的外表，直認對老公「嗲到暈」，甚至會變聲用「BB話」溝通。由於丈夫是圈外人，有時外出面對大眾的目光會感到不自在，體貼的滕麗名便教丈夫一招「OUT FOCUS（失焦）」。
談原生家庭感觸落淚 愧對父母感無力
節目中，滕麗名罕談原生家庭，卻展露出最脆弱的一面，她說：「少提是因為父母都不太喜歡被人知道佢哋係我Daddy媽咪，佢唔鍾意俾人談論，我入行後最對唔住就係佢哋，因為畀好多無形壓力佢哋。有咩仔女會喺報紙見到，或網絡上面見到，啲惡意評擊令佢哋好唔開心，我會內疚。」說到深情處，滕麗名忍不住哽咽，她表示這份內疚感藏在心底多年，而由於媽媽多是沉默不語，即使擔心愛女只藏在心，阿滕說：「我無力感好重，佢都錫我，唔想我知道佢唔開心，我又唔可以當知道去𠱁，當扮無嘢去過度。」方健儀安慰她「你係父母嘅驕傲」，滕麗名亦只能苦笑揚手。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
