藝人何沛珈早前趁住空檔到花墟辦年貨，選購年花並走到附近排檔買粒果，笑言每年都很期待這個時間，皆因自己愛吃甜，尤其鍾情中式賀年糖果，她説：「我最鍾意食椰子、蓮藕，通常我鍾意食嘅就覺得係好味，然後就會力Sell我細妹同爸爸一齊食，佢哋通常都會鍾意食！」她表示以往由媽媽辦年貨和打點全盒，但為了滿足親友們的不同口味，因此媽媽每次也會買一大堆食品回家，何沛珈笑指現在已改由自己跟妹妹去辦年貨，她笑謂：「只會揀啲我哋鍾意食嘅，咁就確保可以食得晒，爸爸特別啲淨係會食朱古力，所以我只會選擇某幾款。」熱愛跑步的她，笑言以防爸爸吃朱古力太多，會捉對方一起跑步。
除了辦年貨，何沛珈也會幫忙爸爸炮製蘿蔔糕：「爸爸會蒸蘿蔔糕，我幫手刨蘿蔔絲，佢習慣一整一大批，啲親戚好鍾意食！」談到新一年展望，她希望有機會可給她挑戰拍古裝和打戲，因自己未試過，亦希望做多點慈善事：「以前成日諗若果自己有時間、有多啲錢就可以去做多啲善事，但依家會覺得總之一有時間同精力就應該趁依家做多啲。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
