楊先生向東張講述親身經歷
楊先生向東張表示林姓律師行職員聯絡他，對方提供詳細索償流程圖表及估算賠償金額等，並教授如何應對警方錄口供程序。楊先生表示律師行職員給他看的圖表內容鉅細無遺，亦列明各大重點。除了「痛苦賠償」、「病假人工」及「競爭力損失」這三大重點外，連去警署錄口供怎樣說，也有清晰指示。連警方控告代號「154」及「857」怎樣應對都有詳細的說明。律師行職員也教楊先生去看醫生，職員甚至提出可以轉介能夠批出30日病假的醫生。職員又指，病假期間，楊先生可以繼續工作。
律師行職員向楊先生表示找他們處理案件的有不少人都是政府公職人員：「你工係照返，唔使請假，合法地唔使請假，搵我哋嗰啲直頭大把係政府人員嚟㗎！佢哋都照返工，差佬又係咁，消防又係咁，救護又係咁，全部都係咁！」律師行安排了全部東西，楊先生詢問律師費怎樣計算，職員稱不用律師費，費用會由對方保險公司支付：「不嬲都唔使㗎！律師費係對方嘅保險公司畀。不嬲都唔使律師費，搵我哋處理呢啲嘢係完全一蚊都唔使畀㗎。一杯奶茶，一支可樂都唔好畀我，嚴格嚟講係唔可以收，如果我哋收咗你錢的話，那管係一蚊都好，就等於瓜分賠償，就係刑事嚟。」自認法律知識不多的楊先生聽到所說內容後，認為事情不妥，未有再回覆對方。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
