不少藝人趁農曆新年聚一聚，視后佘詩曼（阿佘）昨日上載與周潤發的合照，同場還有黃宗澤和苗僑偉夫婦等。着到紅噹噹的阿佘與發哥面貼面，笑容燦爛，隔住個Mon都Feel到她的「少女心」，她寫道：「人生第一張同發哥嘅Selfie！！」又憶述兩人見面的情況：「記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕醜喎！但係又忍唔住細細聲叫咗一聲：『發哥呀！』」
另一次是她突然收到藝員部高層來電，叫她上訓練班：「我心諗……冇啦啦上乜鬼堂呀……攰到死……」首度上堂的她不但迷路，還因不認識同學而勁尷尬，想不到入到課室原來有驚喜：「張櫈未坐暖我又『彈』喇！因為原來嗰堂係發哥親自教學！」最開心是發哥表示認識她：「嗰陣大概係2000年，我好記得，發哥話知道我係邊個，因為佢睇咗《十月初五的月光》，嗰刻雖然我外表表現得好平靜（話晒喺好多訓練班同學仔面前），但係其實我內心已經放晒煙花。」阿佘曾公開表示恨與發哥拍戲，而且「拍乜都得」，雖然願望還未成真，但能合照她亦非常開心，更搞笑言：「作為小粉絲嘅我，雖然未有機會合作，但係合影都勁浪漫，超溫馨！」另外，黃宗澤亦有在社交平台大晒當晚與發哥的合照。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
