身上有如「拉鏈」般長疤痕
早前陳子聰現身支持太太何超儀監製及主演的電影《維多利亞壹號》推出國際版首映，透露去年再做了三次大手術，身上有一條由鎖骨延伸至肚臍、猶如「拉鏈」般的長長疤痕，目前尚餘主動脈上段手術未完成，但康復進度理想。日前陳子聰更強勢回歸，與「廿四味」好兄弟一同在其YouTube頻道「
面色紅潤去年11月已能「行行企企」
在節目中擔任主持訪問Sammi時，陳子聰雖然說話聲線仍帶點沙啞，但見他面色紅潤，精神相當不俗。訪問期間，Sammi主動慰問陳子聰健康狀況，子聰輕鬆表示康復了一段時間，自去年11月起已能「行行企企」，並透露已完成心臟搭橋手術。經歷過生死時刻，陳子聰坦言現時心態轉變很大，最重要是身體健康，並感恩地說：「有機會出到嚟見到大家，真係好開心。」
「活在當下」成人生座右銘
當被Sammi問及大病過後有何體會，陳子聰笑笑口以英文拋出一句：「Live in the moment（活在當下）！」他直言現在對任何事都充滿感謝，並分享了一個在醫院的小故事，他說：「感謝，任何嘢都感謝，例如喺醫院我好耐冇飲過水，我第一啖水，嘩！Sammi感同身受形容那是「甘露」，陳子聰續指：「最好笑係，我好渴望飲嗰個水，其實我吊緊鹽水係唔使飲嗰個水，但感覺...is crazy（瘋狂），你去到嗰個極端。」
自爆試過爆屎袋最難堪
節目中，陳子聰與一班好兄弟Brian等暢所欲言，氣氛輕鬆得來亦帶點感性。成員Phat爆料指，陳子聰曾因為終於能夠自己去廁所大小便，感動得差點哭出來。Phat感嘆說：「佢話從來未試過咁感恩，可以自己去到個廁所，佢講時差啲喊......原來身體出問題，咁少嘅嘢都做唔到，佢講出嚟我哋都話shit。」
鄭秀文：好有畫面
陳子聰亦毫不避忌，大方分享掛「造口袋」的日子，對生活極度不便且痛苦：「例如我之前孭住晒啲袋，屎袋尿袋各樣，咁係好辛苦，好辛苦，因為啲尿呀屎呀，有時個袋會爆，啲屎會唧出嚟。」雖然陳子聰是笑著說出這段經歷，但聞者戥他心痛，Sammi在旁一臉認真聆聽，也不禁驚嘆：「好有畫面。」最後眾人舉杯暢飲，慶祝陳子聰跨過難關，算是苦中一點甜。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
