與各地歌迷重聚
去年方力申啟動首個個人巡演《SHOW UP音樂會》，與各地歌迷重聚，累積能量。今年5月，他終以「Perfect Moment 最佳時間」為主題，踏上別具意義的紅館舞台。演唱會將濃縮他超過26年的演藝生涯，除了一系列經典情歌，更會展現他深情形象以外的全新面貌。
大讚太太旺夫
方力申接受《香港01》訪問時透露去年底女兒Isla出世，讓他順利解鎖「爸爸」身份，他又指多年來屢次申請紅館檔期均失敗，豈料女兒出生後即成功獲批，笑言愛女是「腳頭好」的小福星：「其實我喺早幾年，自己即都有人幫我去申請紅館都係唔得嘅。即係我唔係一次過就得嘅，都申請咗好幾次，同埋經過好幾年嘅，咁所以我覺得我今次得。當然一方面我已經有做音樂會嘅經驗，咁可能紅館會睇到啦。另一方面咁梗係太太嘅旺夫啦，令到運氣又好啲啦。同埋其實嗰陣時申請咗紅館嘅時候，太太已經懷孕，咁所以又可能我個女又好腳頭旺爸爸，能夠喺紅館開演唱會我哋一家人都好開心。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
