近日無綫再爆離巢潮，其中《愛．回家之開心速遞》成為重災區，繼3月初飾演「何賊」的謝可逸被指遭官網除名後，近日再有指劇中3名要角演員同樣被除名，當中包括IT部「Laptop」孟希璘、速熊運輸「大力」張漢斌（現名張韡騰），以及「Whiskey」、在《女神配對計劃》中向李芷晴表白的周嘉全，疑連走3人。
而孟希璘今日亦親自宣布離巢：「bye bye Tvbuddy，估唔到都係比網民快過我講，我都估唔到會有bye bye buddy嘅一日，長氣！慎入！純個人紀念。呢個地方帶畀我8年好珍貴嘅回憶，開心多過唔開心，好多好多，暫別電視機lu~勿念。我仲有一套《死有對証》未出街。」她又拍片分享在TVB 8年來的點滴：「話咁快就過咗8年，我第一部拍嘅劇就係《十八年後的終極告白》」，感激公司給予機會挑戰不同角色：「公司畀我每一個角色，我都做咗，而且我係盡心盡力，全情投入咁去做」，並指Laptop是最貼近她本人的角色。
她續指雖然8年來未曾做過主角，但也不感後悔：「不過呢8年我冇白過，因為我享受過每個角色，我享受咗同呢度所有人嘅相處」，又透露未來將會經營網上頻道，同時繼續做演員：「我以後都唔會放棄演員呢個身份，因為我知道仲有好多人想睇我演戲。」其實孟希璘出身演藝世家，父親為《暗戰2》奪得金馬獎「最佳動作設計」的著名武術指導兼邵氏演員孟龍，已故資深動作演員孟景海（孟海）是孟希璘二伯父，而大姑媽孟秋則是武打演員，故孟希璘自小在邵氏宿舍長大。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
