藝人張曦雯早前經歷情變，她坦然面對，承認與前度未有及時處理問題，以致分手收場。分手初期，回復單身難以習慣，亦感到辛苦。她又表示其「不婚觀念」有變，希望盡快覓得合適的另一半，不排除隨時步入教堂的可能性。
女神張曦雯（Kelly）於播映中的無綫新劇《臥底嬌娃》中，飾演一名心理學及微表情專家，與現實生活中的她最相似之處是懂得觀人於微，她打趣說：「有時會同自己講，睇人唔好咁準得唔得呀？呢樣可能同我父母年輕時要工作，交我畀一位姨姨日間暫託有關，呢類小朋友好叻睇人眉頭眼額。（揀男友都好準？）會好易知佢真唔真誠囉！」
劇情交代她與陳瀅、羅毓儀組女團查案，故拍攝期間還要利用休息時間去排練跳唱，凡事力求完美的Kelly甚至自掏腰包跟老師學唱歌。其實自去年開始，她幾乎用盡心力於工作上，為劇集《俠醫》開工期間還要兼顧電視電影的拍攝，中間加插兩套劇集宣傳工作，以致未有及時處理與前度Mark日積月累的問題，結果分手收場！她坦言：「我諗所謂嘅暗湧唔係一時發生嘅，有時選擇唔好面對。人就係咁，有（男友）嘅時候會覺得係應該，但時間過咗就過咗，經歷咗上年發生嘅一切，我更加覺得人生有劇本，要發生嘅始終會發生！」
無悔分手：有開心過！
幸而她與Mark如今再見亦是朋友，分手更是雙方認為最舒服的決定。問到會否考慮再續前緣？Kelly爽快回應：「呢刻冇呢個諗法。（有冇少少後悔分手？）冇！反正大家都有付出過、開心過！」曾幾何時，她曾明言不追求婚姻生活，今次經歷情變卻讓她改變想法：「開始有少少急，可能因為好多年冇試過單身。（好唔慣？）起初好辛苦，始終以前慣性有人喺身邊，突然間冇咗喎！（分手時冇諗到會有咁嘅感覺？）可以咁講，因為我成日宅喺屋企，唔鍾意出去玩，另一半就係我最好嘅朋友嘛。」
Kelly不諱言身邊已出現追求者，並強調情變未有為她造成陰影：「啱就可以喇，不過我好耐冇試過單身，想喺呢段時間諗清楚自己想要啲乜。（有乜擇偶條件？）我份人好急，好多嘢等唔切都會自己做咗先，或者想試吓小鳥依人，放慢腳步畀機會人哋照顧吓我，所以對方要好主動！」
至於今次挑戰演出輕喜劇，Kelly、陳瀅及羅毓儀朝夕相處培養了姊妹情，其中多場歌舞場面則高下立見，Kelly笑說：「估唔到羅毓儀係我哋3個之中最唔擅長跳舞嗰個，不過佢喺唱歌同樂器方面就最叻。（你會唔會因此想試吓進軍樂壇？）細個時有接觸跳舞，今次之後覺得試過就算，呢方面真係完全冇興趣，唔係自己長處就唔好試喇，況且年紀大，開工時都成日畀馬貫東笑，問我哋組女團會唔會太老，哈哈！」
更多新聞，請瀏覽東方日報網頁：
本文作轉載及備份之用 來源 source: http://hk.on.cc
|
鍾意就快D Share啦！
|
|
|
