現年94歲的資深藝人譚倩紅（紅姨）入行多年，出演過無數經典角色，當中最為人熟悉莫過於處境劇《真情》中飾演「容姨」一角，自從2004年淡出幕前，展開退休生活後，樂得清閒的她鮮少出現，間中會在圈中聚會見到她的身影。2024年《真情》的編審和編劇陳寶華曾貼出合照，大讚她精靈：「活潑開朗，叻女！」相中紅姨頭髮茂盛，面容飽滿相當紅潤，對住鏡頭微笑相當精靈，而另一張合照站立時亦毋須用拐杖等輔助，身體依然壯健，不少觀眾都留言指《真情》的回憶返晒嚟！
前年（2024年）紅姨難得現身幕前，接受資深傳媒人汪曼玲的訪問，自揭原來曾在家中暈倒，經醫生檢查後發現心率不正，須要安裝心臟起搏器，紅姨億述當時情況：「我嗰晚食完飯坐喺梳化睇電視，嗰陣天氣仲係好熱，我諗住行去閂咗風扇，點知一轉身就暈低咗，好彩工人啱啱好走過嚟，好彩一剎那好快就醒咗。」之後她的女兒送其入院檢查，醫生表示她的平均心跳率竟曾跌至29（正常數值在60-70，建議她戴一星期心臟起搏器，以便觀察24小時心臟的情況。最後紅姨做完手術後，情況有好轉，多年來身體狀況都不錯，只是曾接受白內障手術，至今視力不俗：「依家托賴叫耳仔聽得好清楚，思維我自己覺得好好記性。」
而跟汪曼玲關係不錯的紅姨，經常會參加其舉辦的飯局，去年5月她精神奕奕出席聚會，見紅姨行得企得好精靈，面色紅潤，席間與大家有說有笑，更成功贏得兩次BINGO遊戲，認真厲害！不少網民都留言大讚紅姨保養得宜，完全不似實際年紀，狀態十分好。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
