藝人趙慧珊（Aka C.）近年由歌手轉跑道做藝術創作，迎來第5個個人畫展，想藉藝術傳遞祝福，陪伴生活在壓抑中的大家一同前行，她坦言從事藝術創作收入不穩定，憂心積蓄少到不敢面對。
趙慧珊由女子組合Super Girls出身，於2010年出道，2022年組合解散，之後5位成員各自發展，Aka熱愛畫畫，以獨特黑白金針筆繪畫法，闖出一遍小天地，成功踏入藝術界，在2月27日至3月22日舉行名為「晃樂·願」畫展，日前Aka受訪，提及前隊友陳穎欣（Yanny）與音樂人陳考威月初在澳洲舉行的婚禮，成員蔡明思（Jessica）和吳嘉禧（Cheronna）擔任姊妹團，獨欠她和Heidi，Aka表示與舊隊友關係良好，解釋缺席因由，一來忙於籌備畫展，二來大家工作和步伐不同，各有自己人生考量，但會祝福Yanny，問會否請舊隊友來畫展？她表示會請所有鍾意畫的朋友，歡迎至極。
今次畫展名為「晃樂·願」，喻意「晃動光影中的快樂祝願」撫慰城市心靈，她的畫作有站在懸崖的山羊、企在漏斗的大象，反射人們面對經濟和身心靈的壓仰，她說：「覺得依家太多人唔開心，累積下來社會發生咗啲極端事情，好似斬人好瘋癲的事，畫中每個故事代表與你同行，有我喺度，送祝福嘅意思。」還有十二生肖與招財貓聯乘作品及燈藝術作品等，共30多個作品，Aka最小的畫作價2.2萬，大畫開價6位數？她說：「唔想咁貴，依家經濟唔好，希望親民啲。」Aka自認好幸運，從事藝術總算能養活自己和父母，有感是上天的恩賜，不過直認工作不穩仍有經濟壓力：「成日唔敢望戶口幾錢，嗰排冇乜嘢做時候根本唔夠膽睇戶口有幾多錢，但係有時多番嘢做都係唔敢睇，因為驚呢個數好快就冇，哈哈！（銀行起碼有6位數先安心？）其實6位數都唔係好安心，要再努力啲。」透露今年目標是建立自己的IP、出畫冊和到外地舉行畫展，又會讀藝術治療自我增值。
場地：汴京茶寮
本文作轉載及備份之用 來源 source: http://hk.on.cc
|
鍾意就快D Share啦！
|
|
|
