男團MIRROR「人氣王」姜濤前晚在英國開騷，大批粉絲捧場逼爆體育館，場面震撼！狀態大勇的姜濤跳唱功架十足，連搞氣氛都一絕，全場笑聲震天，難怪完騷後網上好評如潮，紛紛期待下一站巡唱！
MIRROR人氣成員姜濤前晚在英國倫敦溫布萊體育館（OVO Arena Wembley）舉行首場巡唱《KEUNG TO“LAVA”LIVE TOUR 2026-LONDON》，大批「姜糖」（姜濤粉絲暱稱）到場落力應援，除了出動應援車宣傳外，過千「姜糖」更坐滿演出場地外的長樓梯，齊齊高呼偶像的名字打氣，場面極之墟冚！
狀態大勇的姜濤跳唱一曲《LAVA》為演唱會打響頭炮，炒熱氣氛後再演繹《好得太過分》、《寂寞圓舞》等歌曲，又跟外籍女Dancer跳辣身舞，當獻唱「英國限定」的《夏日傾情》時，他指這首歌是送給支持他的「姜糖」，全場即尖叫起哄，氣氛熱爆。
除了瞓身跳唱，姜濤亦甚懂搞氣氛，令演唱會更加精彩，工作人員上台為他補妝時，他搞笑地說：「有啲尷尬，不如傾吓偈。」之後分享有趣見聞，笑言曾聽聞有藝人為免演出期間如廁，會包尿布上台，因此他每次表演前半小時都不敢飲水，力保不失！
演出大獲好評
談到在當地欣賞著名音樂劇《歌聲魅影》，他謙稱看過別人的表演後，覺得自己「不懂唱歌」，但論到話題焦點，一定是他公布將在澳門開騷，他幽默表示：「其實我有個好消息要同大家講，其實我已經……準備……繼Stanley（邱士縉）之後……」台下「姜糖」大叫「結婚」，姜濤續說：「練大隻要去澳門開騷了！希望大家多多支持！」他完騷後在社交網分享後台照及影片，當中可見工作人員特意將其演唱會海報裝裱入框，並作為紀念品送贈，心思十足，姜濤留言︰「I LOVE YOU ﹗ UK finished~」今次他開騷大獲好評，就連非「姜糖」都盛讚他無論唱功、跳舞甚至演唱會氣氛都做到盡善盡美，有網民搞笑留言指他的舞衣太密實，希望下次可以「豪爽」一點。
另外，姜濤演出前特意探訪身在英國的填詞人黃偉文（Wyman），Wyman大晒合照並分享：「話說同姜先生兩年前喺巴黎有一餐飯，只係食咗一半（食完頭盤未上主菜），未食完就有突發事件，搞到大家要走鬼散水。然後一直搵機會食埋剩低嗰半餐飯，但係一直約極都約唔到，呢件未完成嘅事，令到我嘅強迫症幾乎發作。尋晚終於可以由頭盤食到甜品，雖然要辛苦佢哋由Wembley出Central London，嘥兩個幾鐘頭一來一回，去食一餐得個半鐘頭嘅飯。呢啲咪誠意囉。（多謝大盒過月餅嘅唱片）」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
