台灣天王周杰倫最近一直喺內地巡唱，猛搵錢嘅佢最近快閃返台宣傳新碟，同日完結活動後，佢就先後到潮流店巡視店面，又獲好友阿Ken及美女助理提前到場迎接，之後佢再繼續巡產業，同女助理大妮一同進入登記於愛妻昆凌名下嘅豪宅，意外揭周杰倫台北市坐擁10戶豪宅，合計市值超過21億元新台幣（下同，約5.17億港元）。
當日MV首映會後，周杰倫未有換走Deep V名牌西裝，就喺工作人員維護下，登上保母車離開。佢先到東區經營潮流品牌店，身為好友兼活動主持人嘅阿Ken，同美女助理已經到場，阿Ken更迎接周杰倫。周杰倫拎住手機走入潮牌店，先對店門口工作人員點頭致意，之後先對阿Ken打招呼，天王氣場霸氣。90分鐘後，周杰倫再到豪宅，助理大妮跟在後頭。
該豪宅位於大安區大安森林公園第一排，由建築界「諾貝爾獎」、普立茲克獎得主Richard Rogers操刀，每坪要價約260至279萬元以上，總價多在3億至8億元台幣之間，更有唔少名人光環加持。周杰倫於2021年豪砸逾3.5億元（約8,600萬港元）購入。
其實，周杰倫投資房產眼光精準，2015年曾豪擲6.6億元買下某豪宅37、38樓頂樓樓中樓，該戶不僅坐擁360度觀景台，唔少演藝圈好友如韓國天王G-DRAGON、五月天主唱阿信等都曾係座上賓，另外佢又有另一豪宅係同王力宏做鄰居。
此外，周杰倫早年於2008年，以總價約3,572萬元購入豪宅頂樓戶，被視為周杰倫早期投資性與居住型「起家厝」之一，仲有同昆凌交往時送畀對方母親嘅頂樓，總價約4千萬元。2010年以4.5億元購入捷運小南門站旁嘅兩戶豪宅，2013年購入位於台北市知名豪宅12樓，該處是都更豪宅，當時總成交價約2億元，直接登記於媽媽葉惠美名下。
盤點周杰倫、昆凌家族曾被媒體曝光過的豪宅，一共有9案、10戶，當中就有2021年購入價值3.5億元；2022年添購上億元頂級豪宅；早前昆凌被爆大方提供王子（邱勝翊）及毛弟（邱宇辰）兄弟免費居住，其名下位於內湖嘅5千萬元豪宅，合計總市值超過21億元。
要養發家養豪宅嘅周杰倫，佢就繼續宣傳新碟，指兩個禮拜已經播出四支MV，又指下禮拜再有新MV發布，密集式Draw網友attention。佢又表示有藝人朋友cover自己新作，當中美籍華裔球員林書豪（J.Lin）就上載自拍片，正正就係cover周杰倫其中一首新歌，見佢又唱又跳又Rap，又豪言叫大家投票佢條片定係周杰倫MV更好：「這首MV只有9M views🥱如果有我在裏面肯定就20M了 我覺得我這個版本比較好😂你們覺得呢？請認真 誰輸誰請客。周杰倫，我喜歡龍蝦🦞 謝謝」成功激起周杰倫勝負欲，留言：「你等等去看投票」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
