陳瀅開live壓力爆煲
陳瀅在節目中表示，年初時《Pillow Talk》仍是一個很初步的概念，但時間過得很快，兩個星期後便要舉行了，所以她現在真的很緊張：「唱歌唔係我嘅擅長，而我亦未試過喺台上現場演出，絕對係零舞台經驗，我連舞台劇都冇參與過，又好少做商場show。雖然平時大家見我好似好開朗，但係我入面係好怕羞嘅。今次要喺台上面對住咁多買飛入場嘅觀眾，我會覺得『Oh my god，點做？』我想講今日嚟做訪問之前，今朝我發惡夢，個夢就係我揸住枝咪，準備喺我呢個Show出場，但竟然入唔到Key，當時我喺夢裏面好驚。」
親自參與細節力求完美
主持問及陳瀅在電視劇《臥底嬌娃》中也有獻唱，陳瀅說：「嗰啲有得Cut同NG㗎，舞蹈部分又可以重拍。不過今次好開心可以同蔡潔一齊經歷我哋喺台上嘅第一次。因為如果係同一個有經驗嘅藝人一齊演出，你都會好驚，因為隔籬嗰個人好似勁過你好多。但我哋而家兩個都係差唔多經驗，一齊去試呢件事，所以個心都定啲。我哋兩個都有一樣嘢好似嘅，就係想將個Show做到最好，唔想就咁做咗佢就算。成個Show每一個部分，包括歌單同rundown，都係好有心思去諗，所以都會俾壓力自己去表現到最好。希望觀眾到時入場睇到我哋嘅表演，覺得係OK嘅。」
陳瀅挑戰Rap和跳舞
今次Rap和跳舞部份會全部交給陳瀅：「Jacky好好，因為我哋揀嘅合唱歌，有啲我覺得真係好難唱，Jacky就會話啲高音位OK，由佢負責唱。」蔡潔說：「我哋大家做嘢互相互補，呢個係Teamwork。雖然我同阿瀅各有各自嘅部份，而各自嘅部份又有自己嘅諗法，但係個Show始終都係我哋兩個一體，所以我哋會將唔同嘅諗法、唔同嘅意見連埋一齊。雖然我個樣好似好淡定，但其實內心都幾淆底。」
期待給觀眾驚喜「估唔到」
陳瀅覺得透過今次做Show，她和蔡潔比以前有更加多的溝通：「我發現我哋有好多位係好似嘅。開頭我以為大家都係好放鬆、好容易融入大家嘅諗法，但原來佢唔係特別放鬆，但佢嘅想法係同我好似。佢有佢獨特嘅要求，但係咁啱我哋諗嘅嘢都好一致，所以呢個位真係好夾。我哋嘅目標係希望大家覺得呢個Show好睇，大家都會話：『估我哋唔到！』」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
