昔日秘戀傳遭TVB下禁愛令
何沛珈為《2020年度香港小姐競選》五強之一，加入TVB後主力擔任主持工作，是《東張西望》外景主持之一，亦曾客串《愛・回家之開心速遞》飾演Luna一角。早年何沛珈曾被揭與阮浩棕秘密拍拖，但其後兩人出席活動時均以「了解中」、「好朋友」互相稱呼，不少人也推測戀情不被TVB批准，下了「禁愛令」。
阮浩棕大方恭喜舊愛上節目招親
日前《魔音女團》商場活動中，阮浩棕擔任活動司儀，他接受《香港01》訪問時，祝福何沛珈參加《女神配對計劃2》搵到幸福另一半。「首先我好恭喜佢，因為《女神》係舊年嘅最佳綜藝，公司嘅王牌節目。以一個員工立場，我唔可以咁公開透露我會唔會喺節目出現，大家一定要留意。」
「大家成年人，有咩好呷醋」
「我只可以話我祝福其他幾位女神。（以好朋友身分呢？）好朋友嘅身分都係祝福佢，希望節目會為佢帶嚟一啲收穫。（以前緋聞男朋友身分？）都係，我同何沛珈之前係了解中，而家有個共識向後行一步，但係我哋唔係絕交，亦都係好朋友，我相信佢會想我好，同樣地我都想佢好。（會唔會呷醋？）大家成年人，有咩好呷醋呀？」
阮浩棕：我自己呢排過得好快活
既然是衷心祝福何沛珈，又會不會介紹其他「筍盤」上節目？他回答：「er⋯⋯首先我好多朋友都係公司同事，公司同事對佢哋都相當熟悉同了解，我自己本身朋友，中學同學都9成結咗婚，哈哈，咁係冇可能介紹。（會不會上節目，但目標不是何沛珈？）嘩，真係有啲困難。我自己呢排過得好快活，即係專注喺自己度，自己同自己拍拖，鍾意做咩就做咩。我發現原來自己好耐冇過咁嘅生活，過自己日子，同埋人生好多課題要處理。（一個人開心啲？）唔關事，始終有人喺身邊會開心啲，但係呢一刻始終都係處理好自己先啦。」
💬 常見問題：阮浩棕與何沛珈近況
Q：阮浩棕與何沛珈分手了嗎？
A：阮浩棕在訪問中首度證實，他與何沛珈之前處於「了解中」的階段，目前兩人已達成共識向後退一步，確認為「好朋友」關係，並互相祝福對方。
Q：阮浩棕會參加 TVB《女神配對計劃2》嗎？
A：對於會否在節目中出現，阮浩棕大賣關子呼籲觀眾留意。但他強調目前非常享受單身生活，想專注於自己的個人發展與人生課題，暫時「自己同自己拍拖」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
