無綫歌唱選秀節目《中年好聲音4》戰況激烈，藝人羅天宇「獅子王」的表現甚有驚喜，昨晚一集更一改之前唱抒情歌的路線，破格染金髮戴上黑超及穿上皮褸，化身「未來戰士」單膝跪地出場，獻唱《Why You Gonna Lie》大騷Rap功，唱到尾段更大跳勁舞，引來全場喝采，而其緋聞女友陳懿德都有現身支持，拍爛手掌及歡呼。羅天宇坦言一直都有個「男團夢」：「咁多年後，有機會嚟到呢個舞台，咁我梗係要追吓夢啦。」
而5位評審都讚他的破格演出很精彩，張佳添讚他適合走偶像路線，但要提升實力：「雖然我覺得你揀呢首歌幾冒險，但又真係畀到耳目一新嘅感覺我哋。」不過雖然最終羅天宇突出的表現令評審給他87分，比參加者雷小雷的81分還要高，但最終他竟然被FOUL，不少觀眾、網民直呼不公平，戥他不值，瘋狂於社交網洗版留言：「全場最低分嘅雷小雷無被淘汰?甚麼的賽制?咁不如唔好計分」、「乜唔係應該雷小雷OUT咩?佢唱得咁差，咬子不清，首歌唱得完全唔好聽。」、「羅天宇好正，把聲真係好迷人，可造之材。」更有不少網民要求無綫舉行「復活賽」。
對於大批網民為他抱不平，羅天宇接受東網獨家訪問時坦言：「係評審退定商議之後，傾出嚟嘅結果，其實每次當有認識嘅學員要被淘汰嘅時候，自己都會忍唔住喊，但宣布嗰一刻都好愕然，當下實在完全冇時間消化，所以就盡力將自己想講嘅嘢講晒出嚟，驚自己唔記得之後冇機會再講。」再會否為自己努力多時大感不值?他又謂：「我覺得每一首歌我都有進步嘅地方，當然都希望可以留低多一陣，可以進步多啲，攞多啲舞台經驗，(網民都好撐你，開心過有得留低?)好開心佢哋咁落力去留言同埋戥我緊張，對我嚟講我真係好想好想喺呢個舞台度留低一首自己唱得滿意嘅歌曲，呢個係我最大嘅遺憾。」而天宇事後亦有拍片及於社交網留言，他表示：「好感激大家每一個嘅留言，我全部都有睇，好可惜冇得喺呢個舞台上繼續唱歌畀大家聽，係我唔爭氣，不過我會繼續努力！」不少人都留言讚他，鄭𧗠峰表示：「由超級老虎蛻變成為獅子王，我諗所有人都睇到你嘅進步，Proud of you bro ，期待你嘅演唱會。」之前的評審之一谷婭溦亦留言：「你已經好厲害啦，依家已經係歌手羅天宇」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
