「億萬駙馬」伍富橋（Alvin）與富家女梁兆楹（Shirley）結婚4年來，一直表現恩愛，網民期待他們邁入人生另一階段，生兒育女再升呢當爸爸、媽媽。而近日伍太被疑有喜，皆因Shirley突然網晒貴價護膚品，而該品牌標榜孕婦適用，更是針對預防妊娠紋的孕期護理組合，故引起連番猜測她可能已有孕在身。
至於Alvin未知是否將做「廿四孝老竇」前，繼續做「廿四孝老公」，他又在社交網分享夜半氹太太開心的「閨房片」，稱聲在凌晨4點時，因為「有人瞓唔着碌電話時睇到呢條片（動畫片），然後拍醒我叫我跳畀佢睇，呢期佢大晒」，結果他在半睡半醒的狀態下起舞，雖跳得有點「Hea」，但勝在娛樂性豐富，哄得太太哈哈大笑，而他再寫：「基於不可抗力嘅因素，只好滿足佢嘅要求。」其口中的「呢期佢大晒」及「基於不可抗力嘅因素」，更令懷孕傳聞似層層。
Alvin接受訪問時大方承認榮升爸爸：「其實我哋都有少少打亂咗陣腳，原本諗住5月8日結婚4周年先公布呢件事，但就畀網民留意到，咁都冇辦法啦，依家可能過兩日甫相出嚟公布，多謝大家關心，不如到時再同大家分享呢件咁開心嘅事啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
