昨日CHILL CLUB音樂頒獎禮舉行記者會，男團MIRROR差不多全員出席，眾多「鏡粉」逼爆商場。每年頒獎禮前，姜濤與Anson Lo（AL）例必被指鬥人氣及爭獎，昨日姜濤以「暈車浪」不適為由不受訪，AL則指自己清白，對「獲厚待」傳聞得啖笑。
ViuTV《CHILL CLUB推介榜年度推介25/26》頒獎禮將於5月3日假亞博舉行，昨日逾百歌手出席記者會，包括MIRROR 11子、COLLAR、雲浩影、馮允謙、許廷鏗、方皓玟及陳凱詠等，現場以Ian及Anson Lo（AL）粉絲最多，AL粉絲「神徒」佔據最佳位置，而之前在網上揚言杯葛記者會的「姜糖」則零碎分布在各層。
大會公布本年度賽制，獎項由去年21個項目減至16個，經投票選出的頭10強歌曲中，票數最高的將成為「CHILL CLUB年度之歌」，其餘9首則獲頒「CHILL CLUB年度歌曲獎」；另有8個全民投票的個人獎項，包括「年度男/女、組合、樂隊、唱作歌手、男女新人及新人組合」。而據大會公布的入圍名單中，入圍最多獎項的是陳柏宇、林家謙、馮允謙各有8個，林峯有7個，炎明熹有4個，連傳雪藏中的ERROR成員193都有4個，張家輝則有2個；而MIRROR成員Ian有7個，Jer有6個，姜濤5個半，AL與MIRROR團隊各有5個。
MIRROR除隊長Lokman因病缺席，姜濤亦多次咳嗽，並因暈車浪而未有受訪，事後他在社交網交代說：「不好意思各位，身體有點不舒服要先離開，非常抱歉。」又安慰粉絲不用擔心：「今天會好好休息，大家辛苦了。」對於有傳姜濤是臨時被邀出席記者會，副隊長Anson Kong說：「臨唔臨時都好佢咪出現咗囉！就係咁簡單，睇結果，唔使猜測個過程，有嚟到咪有嚟到囉！（你哋幾時知要出席記者會？）我哋公司決定，唔可以成日張揚公司嘢。」
馮允謙冇信心攞獎
至於AL每逢頒獎禮例必傳跟姜濤鬥人氣及爭獎，近日又有指他獨得公司厚待助攞獎，他受訪時表示已出道8年，每年都有特權相關傳聞，不會理會：「所有都係謠言，我求其開個網上帳戶都可以打一篇傳聞，所以謠言任何人都可以講，作乜都得，信就信，唔信就唔信。」並揚言不會反對或阻止謠言：「我係清白，只鍾意做音樂，上舞台做好自己本分。（為傳聞而嬲？）冇，得啖笑，年年都係講呢啲，都慣咗冇感覺。」至於可有信心如上年般橫掃各大獎項，他揚言抱平常心，有獎會開心，但就算冇獎亦不代表自己沒價值。
另外，馮允謙受訪時揚言對獎項沒信心：「一直只會對自己嘅音樂有信心，得獎都係為公司同事。」師妹雲浩影指師兄忙於製作新歌，又對自己獲6項提名感開心，高呼：「Yeah！因為得到肯定！」至於獲8項提名的李幸倪直言想得獎：「每年都好畀心機做唔同嘅歌同演唱會，希望大家唔好因為我出道耐，就以為我唔需要支持。」角逐「唱作歌手」的陳凱詠則笑言心虛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
