歌手吳若希剛在內地榮升業主，為夫家打造五星級度假屋，加上事業穩步上揚，家庭、事業兩得意，堪稱人生勝利組。不過，多位玄學家批算她今年將面臨婚姻危機，必有「小三入屋」，但她自命是老公的財星，霸氣表示：「未驚過！」
33歲的吳若希（Jinny）近日表示僅用30分鐘時間就扑槌在內地買樓當作度假屋，得寵的她獲老爺、奶奶出錢贊助，但物業收歸其名下。她近年事業發展一帆風順，有仔有女夠圓滿，最難得是圈外富二代老公Alex十足「贅夫」一樣，任勞任怨任差遣外，更放下男人的尊嚴，放縱她在網上公審。
好命得令人眼紅的Jinny一向篤信風水命理，每年例必請玄學家指點迷津，預測新一年運勢。日前她接受專訪時大爆被批今年必然面臨婚變危機：「話佢（老公）秋天至明年上半年一定出軌喎！希望大家得閒就幫我𥄫吓，見到時唔好出聲住，幫手影相就得，攞嚟做呈堂證供嘛！」問她可擔心8年家庭幸福就此破滅？她笑笑口說：「未驚過，如果佢要出軌，代表佢搵到真愛，會支持佢㗎！我都周圍同人講，得閒記得介紹啲女仔畀佢識。（有冇警告吓老公？）唔使，我鼓勵佢追求夢想㗎！」
食硬老公：「我係佢財神」
Jinny如此淡定，除了因為玄學家批算她當年推出獲獎無數的洗腦歌《越難越愛》後，會行足40年大運外，亦被批命中註定「食硬」老公，她霸氣續說：「有幾個師傅話我係佢嘅財神，如果佢要放棄我呢個財神去搵真愛，令人生高峰直跌入谷底嘅，咁佢自己揀」問老公是否異性緣特別旺？她指過往未覺得老公有異樣，但男人心難測，加上他屬「濕重」體質，所以認定：「男人有時痕起上嚟都好難控制。」
正所謂「親生仔不如近身錢」，已擁有兩層樓的她今年的願望是：「發達同埋唔憂做，師傅話我今年『紅羊赤馬』，我會出多啲Trip，開心係啲工作已經排到7月，希望可以去多啲唔同嘅地方。」而她最期待成都舉行演唱會，問是否當地粉絲特別熱情？她忍不住笑說：「嗰度易啲買某個品牌嘅手袋，雖然係貴啲，但可以退稅，我會行40年大運，想全世界都有物業，目前我眼中只有錢同一對仔女。」
另外，她在社交網分享到成都旅遊的短片，除了有豪華車代步外，又入住著名酒店，之後跟工作人員品嘗要排兩小時才可入座的人氣火鍋店，相當識歎世界，有自稱是其內地鄰居的網民表示願意帶她四出行行食食，Jinny卻否認移居內地：「唔知邊度傳出嚟話我會去定居，冇啲咁嘅事。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
