施明離世，觸發李泳豪和李泳漢兩兄弟之間的恩怨情仇！對於李泳豪向傳媒透露被兄長用法律手段禁見母親施明兩年，又指曾為此事報案，李泳漢行使監護令，全面禁止他探視，李泳豪還表示遭李泳漢踢出家族群組，電話亦遭封鎖，連日前主動打給兄長追問喪禮事宜，亦是用了無法識別的電話才打得通。
李泳漢對於胞弟李泳豪指控，完全明白對方急於「洗底」才出此下策。他覺得就算自己與李泳豪關係破裂，亦一直希望對方盡做仔責任，如果李泳豪願意探望母親，他又怎會阻撓：「乜嘢法律手段先？我真係唔明，淨係講呢2年，我阿媽唔喺醫院就係喺屋企，佢又唔係唔知我哋住係邊度，只係我阿媽講明唔想見佢老婆，佢就直情唔嚟探佢，既然佢選擇咗老婆唔理阿媽，就唔好依家本末倒置話人唔畀佢見，事實佢係唔肯嚟見阿媽。」
提到李泳豪指要用無法識別電話，才「成功」聯絡到他時，李泳漢直斥荒謬：「我從來冇拉黑過佢，係佢2021年將我所有嘢Block晒，如果我Block咗佢，佢果日根本冇可能打到畀我。」李泳漢為證清白，出示4月2日李泳豪打給他的電話紀錄，上面清楚顯示李泳豪是用自己手提電話打給他，而非李泳豪口中的無法識別電話號碼，他說：「再講，就算依佢所講佢用咗無法識別電話打畀我，我聽咗都可以即刻收線啦，我仲記得同佢交代阿媽後事安排，仲承諾定咗日子第一時間通知佢，唔明點解佢要咁講嚟抹黑我。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
