鄭老師作品成海外華人精神支柱
肥媽接受《香港01》訪問時感嘆，鄭國江老師的作品在海外華人圈擁有極高的感染力。她透露，每當她前往東南亞、美加或英國等地登台，鄭老師的詞作是必不可少的曲目：「我以前每年去馬來西亞起碼有12次嘅演唱會，總之去過嘅地方，嗰度所有嘅華人華僑，全部都係唱呢啲歌嘅，同埋呢啲歌俾到佢哋家嗰個感覺，雖然話有啲人移民咗幾廿年，當你一唱啲歌詞出嚟，你睇到台下有人流眼淚，啲歌係好有一個親切嘅感覺。」
自爆靠翻唱賺取生活費養大子女
談到與鄭國江的淵源，肥媽直言雖然鄭老師未曾專門為她本人創作出個人代表作，但她卻視鄭老師為「恩公」。她坦言，在演藝生涯中，正是靠著走埠登台翻唱鄭老師的作品，才得以賺取優厚歌酬，得以養大子女：「雖然鄭老師冇作俾我 ，但係佢幫我養大晒啲仔女，同啲孫仔，我去到出邊嘅賭場又好，邊度啊商場都好，我都話全世界我去登台，你只要唱吓鄭老師嘅嗰個年代嘅歌，你先賺到錢，你試下唱新歌。人哋唔知你唱乜。（唔叫鄭老師寫歌俾你？）我又唔會做呢啲，其實我出過幾多張唱片啫，我撈到今日都有得撈，我真係好掂，你明唔明啊，係咪呀，一隻《友誼之光》，一隻《Ma ma I love you》，一隻《嘥氣》我都食唔晒啦，做人唔好咁貪心，但有啲人都係好多歌，而家咪要揸的士，咁點同啫，唔一定要有佢嘅歌，我而家都日日唱佢啲歌㗎。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
