姚子羚曾喊冤否認搭上富商：普通社交
早前《東周刊》指姚子羚「背徐偉棟夜蒲冧富商」，子羚都有喊冤，表明只是普通社交，指當晚只是和朋友共進晚餐，隨後陪朋友去了匹克球活動場地，剛好與多年未見的老朋友Rocky碰面：「我哋都係嗰晚先撞見返，咁多年都未見過，我冇同佢食過飯，亦都冇同佢一齊走，只係大家傾吓偈。」她補充說，Rocky當場向她介紹匹克球，她出於興趣小試身手，不過也只是逗留了一會兒便離開。
徐偉棟稱「情海翻波」屬流言蜚語 見過報道中男子
活動上，徐偉棟被問起是否情海翻波時表示：「吓？情海翻波？咁犀利？點翻法呀？（記者：翻咗）竟然係咁？嗰啲流言蜚語。」記者續問二人是否情比金堅，他則說自己都不知道，要慢慢考證。講到有否留意姚子羚與另一名男士打波，他坦言：「我知，咁大個封面點會睇唔到？好平常啫出去，唔明啲人睇雜誌淨係睇啲字，咁多圖都唔睇清楚先，唔好盡信啲字。」他指曾在首映見過這名男士一兩次，對於是否共同朋友，他只謂：「識囉。」
定義與姚子羚關係：99% loading
過往徐偉棟與姚子羚一時稱了解中，一時稱朋友，被問現時關係，徐偉棟說：「而家咩關係？都係朋友。（問：仲係唔係了解中呢個階段？）了解咗好耐喇！（問：你都知！夠了解啦？）有冇新啲嘅字去形容？我中文唔好，你教我。（問：英文都得㗎。）『Liu-gai-jung』、understanding、researching、loading⋯（問：99%定100%呀？）99啦，100%就已經唔係Loading啦，completed」
信任姚子羚心痛護花︰佢唔係貪慕虛榮嘅女仔
當問到睇完報道有否感到酸溜溜，他失笑謂：「冇，好好笑囉覺得，好平常，朋友出去玩啫。」至於是否信任子羚，他更是即時護花：「信，點會唔信啫？作為一個朋友，咁多年來大家都認識咗咁耐，佢唔係呢啲咁貪慕虛榮嘅女仔嚟嘅，佢哋咁樣講，都有啲唔係咁好。」而言談間徐偉棟也不否認感到心痛，反問：「係？確認有心痛呀嘛？有冇良藥可以止止佢先？咁樣講佢係人都會心痛啦，你都會心痛」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
