歌手何雁詩自和鄭俊弘拍拖、結婚甚至生仔，無間斷遭受網暴欺凌，不過個性硬淨的她，只會為囝囝流眼淚，感恩是幸福兒能遇上另一位「媽媽」及有富爸爸作為最大後盾，令她毋須為錢憂愁，自爆入行17年來：「我從未攞過家用返屋企。」
何雁詩日前為宣傳新歌《在無人島上跳舞》而接受專訪，回顧以16歲之齡，憑參加無綫歌唱比賽《超級巨聲》而簽約無綫，成為歌手後橫掃多個新人獎項及獲推出新歌及拍劇機會，更因有位坐擁6億身家的「物流大亨」爸爸，自少過着無憂無慮的富二代生活，不過自爆出和歌手鄭俊弘拍拖開始，至患有罕見病「天使綜合症」的囝囝出生後，不停遭網民狙擊，又因轉型當獨立歌手要自負盈餘，人生變得不一樣。
現年33歲的她對於過去幾年，在事業及輿論下承受沉重心理壓力，她仍然心存感激覺得上天對她不薄：「我有位由細湊到我大嘅外傭姐姐肯幫我照顧個仔，冇因為囝囝係特殊兒童而有怨言，仲好錫我個仔，佢好似我第二個媽媽咁，我好好彩。」問到富爸爸是否其最大靠山？她亦直言要照顧患特殊病的兒童或可能要花費天文數字，但多謝爸爸在任何一方面都全力支持，她大讚：「爸爸係老闆，唔會點講嘢，但佢有同我講有咩事都唔使擔心，佢會撐起頭家，依家我唔使爸爸養，自己賺到錢。（有冇畀家用？）冇喎，入行17年來都冇畀過家用，不過我過時過節會請家人食飯，試過幾萬蚊一餐。（畀家用係心意喎？）如果畀幾千蚊，父母唔會唔覺得好奀呀。」
除爸爸令她在經濟方面再有後顧之憂，父愛亦是其最強的強心針，連被網民狙擊都能坦然面對，但當提及要母子分離即淚如泉湧謂：「嗰日送囝囝機，佢去加拿大一段時間，一見佢哋父子入機場閘口，我好唔捨得即場爆喊，好彩有爸爸喺度，搭住我膊頭陪我去攞車。」問到身為獨生女的她，出嫁後仍是是爸爸的「The One 」？她即謂：「唔係啦，我喺屋企嘅地位下跌，依家爸爸最錫我個仔。」
又談及她出心出力出錢推出新歌，但舊娘家無綫似乎未有大力支持，她不諱言：「我明白，有預計到，但推出歌係為自己，依家冇以前細個時咁恨獎。」問她可後悔離開無綫？她就覺得決定沒有錯，直言：「當時覺得自己工作量愈嚟愈少，所以先想出去見吓外面嘅大世界，我最大籌碼係好細個入行，我今年都係只33歲啫。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
