藝人王敏奕正為無綫新劇《警是個大佬》開工，近日她在社交網分享花絮照，見她額頭貼上紗布，更有手部受傷被包紮住的畫面，雖然只是拍劇效果，但已令不少粉絲嚇親：「以為你真係受傷」，並責怪劇中飾演其爸爸的林盛斌（Bob）：「爸爸做乜唔保護阿女？」
另邊廂，Bob亦晒出王敏奕的美照，留言狂讚：「對咗佢差唔多成個月，我夠膽咁講，佢可能係依家TVB咁多個女演員入面，其中一個最靚兼且係最好戲嘅」，又笑指今次合作，惹來廣大男士羨慕：「我班圈外男性朋友知道我今次做電視劇男主角，大家都冇乜反應，反而知道我可以同佢一齊拍戲，佢哋全部都好似毒X咁：『你就好』『我好鍾意睇佢做戲㗎！』『佢真係超靚囉！』『我覺得佢勁有氣質！』『佢做戲幾好睇！』『可唔可以介紹佢畀我識？』好癲。咁講真，喺呢段我同佢相處嘅日子入面，我覺得大家對佢嘅觀感，我都係非常認同嘅。」
而王敏奕則留言多謝「爸爸」Bob的誇獎，不少圈中好友亦和應Bob，包括陳瀅、糖妹等，紛紛留言「你就好啦」，笑指羨慕能與王敏奕朝夕相對。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
