姜濤在台上剖白多年來的心路歷程，透露以前讀書時因性格、身形而令別人不喜，坦認自己當時相當不懂事，又自爆曾在訪問中因覺得丟架而講大話，謊稱自己曾留級一年，但事實上是留級了兩年，學業上的失敗令他自覺迷惘，是人生中的首次崩潰：「我人生第一次最迷惘嘅狀態，就係我離開中學，學校話冇書讀，讀書太差。你哋知唔知我有留班？不過好多人唔知嘅係，我其實留咗兩年班。嗰陣時我唔好意思同大家講，我留咗兩年班。其實我讀到中一㗎咋，我喺以前嘅訪問入面講過，我剩係讀到中三其實係假嘅，因為你諗吓中一嘅嘢有幾難，但我點樣讀都讀唔到喎」，之後他轉為追逐歌手夢想，卻在多個比賽中慘遭淘汰，迎來了人生第二次崩潰，最終才在《全民造星》成功出道。
然而出道不久即很快爆紅，令他心態上開始飄飄然，亦面臨人生第三次崩潰：「第三個崩潰點，就係一件事，可能好多人會講嗰件掃掃掃嘅事。其實掃掃掃之前嗰段時間，我已經開始崩潰，我做嘢會打玻璃，會罵人，會對客人罵。當時有人講，人唔好飄，但係係有飄嘅。講真，咁快就紅，咁快就紅，點會唔飄呢？」幸好最終得身邊人把自己拉回正軌，他感慨種種艱難事都捱過了，希望踏入新一歲可以有更好的表現，鼓勵大家面對困難時不要輕易放棄，亦自言無論自己將來發展如何，都會相信自己，因為每一個選擇都是自己相信可以做到才決定的。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
