鍾翠詩(Tracy)曾奪《2023年度溫哥華華裔小姐競選》亞軍兼最上鏡小姐，之後返港參加香港小姐競選，可惜10強止步，日前她參加《魔音女團》試鏡可惜再次滑鐵盧未能入圍，昨日（9日）Tracy網晒水着照，大晒fit爆身材，比選美時更加fit，她接受東網訪問時透露與朋友去三亞旅行時拍下，為了這輯水着照，早在一個月前做準備，她說：「為咗影相唔食嘢，唔想有肚腩，拍到夜晚先食第一餐，之前運動咗成個月，條腰都幼咗，希望冇贅肉會好睇啲。」對於未能入選《魔音女團》女團夢碎，她直認有少少打擊，她表示：「唔多唔少都有，因為係一個好好嘅機會發揮自己，但我唔會放棄，好好裝備自己等待下一個機會，會搵老師學唱歌同跳舞，不過收到好多朋友傳訊息支持，好多謝。」她說經過今次，將最沒把握的唱歌一面展示人前後，反而個人放開了不少，心臟變得更強大，所以認為是一個好好的經歷。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
