《第44屆香港電影金像獎》將於周日（4月19日）在尖沙咀文化中心舉行，一眾獎項花落誰家屆時自有分曉。本屆「最佳女配角」競爭激烈，入行30年的滕麗名與後起之秀鄧濤出戰獲獎無數的鮑起靜。面對影后級對手，滕麗名對於得獎與否抱平常心，覺得有提名已是肯定，演藝生涯成就解鎖！
當年參加《新秀》入行的滕麗名（阿滕）轉戰視壇後先後參演過不少經典劇集，包括《陀槍師姐》、《真情》、《愛．回家之開心速遞》及《尋秦記》等，今年「入五」的大日子，更憑電影版《尋秦記》入圍金像獎「最佳女配角」，好消息讓她大感驚喜！其實阿滕早已與影圈結下淵源，入行之初已先後接拍《四個32A和一個香蕉少年》及《天涯海角》，只是一別多年，6年前才重返影壇參演《尋秦記》。
今次出戰影壇頒獎禮，阿滕直言感覺相當特別，認為時間上剛剛好：「係意料之外，竟然30年後可以踏入番大銀幕，多謝古老闆（古天樂），唔係佢，電視版唔會變成電影版，仲可以召喚番咁多人拍攝，係有少少夢幻嘅感覺。」面對入行60年的影后鮑起靜今次降呢當綠葉，憑《風林火山》與她拗手瓜，阿滕抱持平常心爭獎：「對手好強勁，喺我演藝生涯嚟講已經成就解鎖喇，入圍係肯定，亦覺得好榮耀，等同當初《新秀》對手係陳奕迅！」
恨《尋》片捧「最佳電影」
問到是否有信心得獎，阿滕坦言：「梗係想，想攞個獎去多謝古老闆，為大家帶嚟美好嘅回憶。今次我哋成班演員個個緊守崗位，真係好耐冇見過咁熱誠，其實同個人獎項比較，我更想得『最佳電影』。」問到屆時可會邀請少有露面的老公同行參與盛會？她笑說：「我有邀請，但係佢已經拒絕咗我，話會喺屋企支持喎！」又透露會度身訂造戰衣：「一定唔係行性感，Keep住『善柔』（《尋》片角色）Mode，呢個都係我個Mode，哈哈！」
至於鮑起靜目前身在馬來西亞拍攝電影《永不言棄》，相信要奮戰到最後一刻才能返港參與盛會。她於2009年憑主演作《天水圍的日與夜》榮膺金像獎影后，多年來先後憑多部參演電影6次角逐「最佳女配角」，可惜統統落敗，今次捲土重來，在《風林火山》有破格演出，飾演一名精通槍械改裝的專家，身份神秘，全面顛覆昔日「御用母親」形象，而且與古天樂及金城武等男神鬥戲，夾雜粗口對白兼氣場十足，得獎自然被睇高一線！她受訪時表示：「喺電影世界入面，我係名副其實嘅女配角。呢部戲拍完幾年，好記得係我『處女粗口』作，感覺幾新鮮。」至於阿滕另一勁敵是鄧濤，她在《女孩不平凡》與女拍檔上演激情床戲，同時角逐「最佳女配角」及「最佳新演員」，她謙稱演出仍有不足，今次能加入團隊已恍如中六合彩！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
