施明出殯儀式辦妥後，泳漢偕家人出席尖沙咀吃解穢酒，李家鼎和泳豪並沒有出席。大約一時許泳漢離開時受訪，對於解穢酒李家鼎和泳豪沒有出席，他表示有邀請他們，他們冇來冇法。問3人可有機會冰釋前嫌？他說：「緣分好難講，爸爸一定關心我，細佬就雙向，一個人係做唔到，係咪好番，前言睇佢有冇意思，我想佢唔想都冇用，係雙向，睇佢I never say no。」並說泳豪有跟他的小朋友玩，與小朋友關係融洽，所以從沒有叫細佬不出席，再被追問不讓弟婦出席時，泳漢重申是媽媽生前的意願，有人質疑他是單方面講，他帶點忟憎說：「邊個話我單方面講，你會清楚得過我清楚阿媽？我有人證，結婚都唔請媽媽，連親朋戚友都冇請，點去洗白呢？我媽pass away，死冇對證。」再被追問對弟婦唔公平？他帶點激動，表示施明與細新抱合照，是泳豪初拍拖時的舊照，自言不再回應此事。
問施明離世前有冇表示想見李家鼎和李泳豪？泳漢表示自己也見不到施明最後一面，因為施明走得好突然，去到見媽媽時，媽媽已合上眼睛，沒有一句說話留低。他解釋媽媽離世後，有好多事情虗埋，打齋及辦理死亡證等，所以之後才通知大家，死訊並非兩日後通知，認為是最佳的處事方法，以確保沒有問題，沒有爭拗和擔心。他提到去年已想跟爸爸同住，因為爸爸身體出現毛病，擔心老人家有事冇人知，叫他裝平安鐘。
直言好擔心爸爸，喪禮前也叫李家鼎來他家住，只是李家鼎選擇自己住，問是否好錫爸爸，李泳漢帶哽咽說：「啱啱冇咗阿媽，唔想冇埋老竇，我會覺得好lonely 。」同爸爸有傾偈，冇隔膜，所有事跟足規矩給予尊重，之前李家鼎對他的指責，泳漢無奈地說：「80歲嘅人點講得出？你睇佢個樣， 擔心唔擔心？我可以點做？（李家鼎做咗磨心？）我不嬲被動，一直話細佬出席，冇認嗰個唔出席，就畀人話，我冇做錯。」
提到施明的遺產分配方面，泳漢表示不適宜現在講，現在先處理後事，希望諗經打齋49日讓先人安靜和安心。從冇提過分身家事。撇除施明不喜歡細新抱，他會否接受弟婦？泳漢表示不回應。至於喪禮費用由他全包辦：「佢哋兩個一毫子都冇畀。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
