袁文傑爆拍《家有囍事》哥哥勁親切
袁文傑在訪談中透露，入了訓練班後未獲簽約，不久後卻獲邀加入《家有囍事》。他指，事前不知原來「家明」是不露面的角色。入劇組後，第一次見到哥哥坐在別墅樓梯，休息期間更叫袁文傑去聊天，更答應袁文傑在寫真集簽名的要求。袁文傑說：「佢好有心機，佢問我叫咩名，嗰時我未改藝名，叫袁盛傑，佢叫我『盛傑』，簽完個名仲問我『盛傑，你覺得入面邊張相係靚，我幫你再簽。』」
袁文傑指和哥哥最愛的都是1989年出的專輯《Salute》封面照，哥哥告訴袁文傑，當時該輯相影極都不滿意，後卸妝洗頭，以最自然的打扮拍了該輯照片，袁文傑激讚哥哥「天生麗質」。袁文傑也透露，1991年演《家有囍事》時獲酬1000蚊一組戲。
周潤發許冠傑記憶力超強
主持火火和袁文傑均指「發哥」周潤發記憶力超強，當時袁文傑還效力亞視時，韓君婷叫袁文傑搵發哥影相，袁文傑不敢，之後發哥卻叫袁文傑「文傑，過嚟」令袁文傑印象深刻。另一人則是許冠傑，袁文傑指第二次睇許冠傑演唱會，入後台影相時，許冠傑竟認得他道：「你又嚟睇呀？」
拍MV險被燒親 蕭笙親自示範碌落山
袁文傑做過王菲《Summer of Love》男主角，也拍過不少MV。他憶述一次拍MV期間，現場搭起木棚點着大火，袁文傑說：「焫到我哋兩個，後尾枕就嚟燒燶咁濟，仲唔走呀？走咗之後仲要俾個導演X，『你做埋佢先呀嘛！』（我話：）『你企埋去呀！』收尾我入亞視，篤穿咗個導演秘撈。」
入亞視後，袁文傑曾因不識拍揮劍戲而被武術指導鬧，「拎住把劍好似拎燒烤叉咁，武指見到我鬼見愁咁（鬧）：『唔係咁呀傑仔，你劍指都唔擺出嚟耍咩劍呀？劍指去把劍先去呀嘛！』」袁文傑拍戲不識碌落山坡，一代武俠大師蕭笙竟親自示範，「佢話：『我做一次俾你睇！』就咁碌落山坡。」袁文傑感恩入到亞視，不但有做男主角機會，未到第一年更已傾續約加人工，未到第二年又傾新合約。
說到加入《城市驚喜》，袁文傑憶述當年與朋友去咖啡店，袁文傑當時鬧朋友抽YES卡，怎料倪震和邵國華坐在後面，當場睇中高大的袁文傑，邀請他加入《城市驚喜》。另外，袁文傑指曾與楊恭如拍吻戲，楊恭如竟問他「你介唔介意？」袁文傑笑指當時自己答「唔介意」很傻。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
