男團MIRROR人氣王姜濤被控觸犯「不小心駕駛」等3項交通法例後首度現身，主動回應事件，直言被控「沒有附上"P"字牌」感到匪夷所思，估計跟「震跌」有關，又指雖然現在對駕駛留陰影，60萬愛車變成「擺設」，但仍不打算放售。
姜濤之前出席CHILL CLUB音樂頒獎禮記者會時，因時差與緊湊行程感到不適而提早離場。昨早他在烈日下現身慈善活動，狀態回勇，熱身環節期間，司儀叫大家「不要凸肚腩」，他即搞笑地望向自己的肚子，成功贏得不少笑聲。姜濤去年11月在香港島堅道炒車，撞到街邊護欄而被控「不小心駕駛」，同年12月再被控「駕駛沒有牢固地附上"P"字牌的車輛」及「沒有遵照交通燈的指示」，3項傳票被罰2,200元，他昨日受訪時主動提及此事，笑言：「我等緊你哋（傳媒）問關鍵問題。」又大方謂：「大家引以為戒，揸車小心啲。」至於沒有掛P牌一事，他續說：「嗰個係執法人員打嚟問我先知，其實我印象中我有掛，可能震跌咗，我唔知，我冇Check。」
去年二月，姜濤一Take過考獲車牌，其後購入60萬電動車，他表示撞爛的座駕已維修好，但對車禍留陰影：「依然冇揸，等我學好揸車先。（賣咗架車先？）唔捨得呀，睇住佢都好呀，不過大家小心啲，唔好攞帽，專心望住前面。」
Edan唔敢上隊友車
提及本月30日迎來27歲生日，可會到「姜濤灣」巡視？姜濤直言不太方便，但獲粉絲慶生大感開心：「比起自己生日，依家變成令粉絲好開心嘅節日，生日正日暫未有工作，可能留喺屋企睇大家慶祝。」又表示最難忘收到粉絲的手作禮物，呼籲歌迷勿破費：「寫啲信啊，可能自己整嘅一啲公仔，其實都OK嘅。（之前有粉絲送銀紙花？）唔係咁好嘅，啲錢留番畀自己使。」問到下月的粉絲見面會專場撞正母親節，姜濤恍然大悟笑言：「我諗一諗先。（啲粉絲帶埋媽媽嚟見你？）都得嘅。（之前見面會，公司設好多禁制喎？）經常都無視規矩，玩綜藝節目時都打破規矩，到時以粉絲開心為主，大家盡興而歸。」
至於隊友呂爵安（Edan）昨日以代言人身份出席品牌活動，被問到與姜濤相比，誰的駕駛技術較好？Edan笑說：「如果以意外嚟評論，我未試過，但絕對需要時間訓練，小心啲囉！（夠膽坐姜濤車？）應該唔係好敢坐住。」談及緋聞女友林明禎預告推出新歌《十點後熄電話》，還跟王陽明在MV中上演親熱戲，Edan未有呷醋還力撐謂：「有留意，好靚。（幫林明禎宣傳新歌？）身邊朋友都會支持。」至於張繼聰形容他為「好猛的朋友」，他表示今天會看直播支持對方問鼎金像影帝。
Jer連走3場Busking谷個唱
MIRROR成員柳應廷（Jer）前日走勻九龍塘、旺角及沙田的商場舉行Busking，為5月23、24日假亞博舉行的演唱會造勢，吸引大批粉絲支持，唱作歌手好友吳林峰擔任嘉賓助陣。他在沙田站舉行尾場演出時，由原定的6首歌加碼至8首，似足迷你演唱會。
Jer受訪時表示舉辦Busking只為和觀眾拉近距離：「想未有買演唱會飛嘅觀眾都聽到我歌聲，上次Busking係兩年前，望將來有機會走勻各區。」他又謂兩場演唱會銷情「賣得差不多」，會否加場要視乎外界反應。提到姜濤被控不小心駕駛，他表示有提醒對方：「難免遇上意外情況，最重要係留神同專心，總之安全至上。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
