歌手陳柏宇（Jason）前晚出席記者會，宣傳將於7月舉行的紅館個唱，為了回饋Fans，Jason特設親民票價，志在以歌會友！而台灣舞王羅志祥同樣將在紅館舉行個唱，門票今天開售，VIP票價高達二千多元，不少網民大呼「乸利」！
歌手陳柏宇（Jason）前晚舉行記者會宣布為慶祝出道20周年，將於7月18及19日假紅館舉行《Jason Chan Live in Frames 20 周年演唱會》，現場獲近200歌迷支持，場面熱鬧。已推出超過150首作品的他獻唱17年前未有派台的《逸後》及延續該曲的新作《過後》，又特別與3位幸運粉絲大玩估歌仔遊戲。記者會結束前，再加碼演繹經典舊作《永久保存》，歌迷不停大叫個唱要「加場」。
今年有不少歌手在紅館舉行演唱會，其中台灣舞王羅志祥將在6月開唱，門票今日開售，VIP票價高達2,180元，被不少網民指「乸利」，而今年於紅館開騷的歌手如張學友、陳凱詠、黃凱芹及黎明等，最貴門票亦至少過千元。Jason談到演唱會票價時，價錢屬「回饋價」，分為999元、799元及599元3種，相當親民，他說：「係良心價，搞演唱會唔係為錢，係想畀歌迷聽我啲歌，不過票價再收平啲就蝕。（開兩場，但票價咁平好難回本喎？）呢個就唔係我管轄範圍內，有啲蝕住做都抵嘅，開心係好事，可以喺第二啲地方賺番。我哋最大目標係做場好騷，呢10年8年每做一件事都係為下一件事鋪路。」談及將於他7月20日迎來43歲生日，可考慮加場當慶生？他直言：「做到實做，都預咗檔期。（想同歌迷一齊過生日？）唔係唔想，我都未試過生日開自己騷，亦未試過喺紅館開騷過生日，睇吓票房係點先啦。」問到可會邀請同唱片公司的小師妹炎明熹擔任嘉賓時？他則謂：「冇諗過呢啲，暫時未有定案。」
自貼「激凸片」冇尷尬
回顧過去20年的音樂路，Jason指最不開心是失聲，最開心是於圈中建立到歌手的位置。談及他在社交網貼出2009年時在簽唱會上獻唱《你瞞我瞞》期間，出現下體激凸的片段，他坦言不介意重提舊事，因為圈中並非史無前例。問到事隔多年是否不會再出現類似情況？他爆笑謂：「陰功囉，我都唔知有冇能力再做到。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
