歌手周柏豪前日演出內地音樂節，跟師妹連詩雅組成夢幻組合，兩人相隔15年合唱《一事無成》，令在雨中的逾3萬歌迷表現瘋狂！難得回到老家東莞開騷的他自爆不停被認親，更變身「大眾表哥」，除衫騷肌益鄉里。
一連3天的「草莓音樂節」從本月2日至4日假東莞舉行，前日的「粤語專屬場」由周柏豪偕師妹連詩雅（Shiga）、衛蘭（Janice）、江海迦（AGA）及王灝兒（JW）輪流獻唱。雖然當日天氣惡劣，大部分時間滂沱大雨，不過未有沖淡逾萬歌迷的熱情，齊變「落湯雞」捧場。其中柏豪的演出令全場情緒達致頂峰，他唱出多首廣東歌，介紹穿露背裝的Shiga出場時，全場尖叫聲震耳欲聾！兩人首度在內地合體唱出《一事無成》，而他們對上一次合唱該曲已是15年前，難怪歌迷大呼勾起集體回憶。為紀念「重聚一刻」，柏豪又與Shiga及台下觀眾影大合照。
預告回港再唱過
首次參加該音樂節的Shiga昨日受訪時，坦言演出前心情緊張，感謝柏豪為她打「強心針」：「佢帶住我，教我有乜要準備，令我好放心。大家10幾年冇同台，可以Live合唱梗係開心啦，同埋首歌咁多年都咁受歡迎，多謝大家支持，令首歌幾多代人都咁鍾意。（有冇機會同柏豪繼續合體演出？）希望多啲機會啦，嚟緊23號都會同師兄出席香港嘅商場騷，一齊合唱。」
而柏豪Solo表演時，他用廣東話大搞氣氛：「返到東莞，好多人叫我表哥喎！」聽到台下不少歌迷大叫他除衫時，他說：「唔係咁樣㗎，有時啦，多啲欣賞啲音樂，唔係一定除衫嘅！」但為免歌迷失望，他邊嗌熱，邊脫下牛仔外套露出麒麟臂，又谷起「老鼠仔」，大晒男人味。
至於Janice獻唱一系列經典廣東歌外，又在台上首唱最新國語歌《不藥而愈》，歌聲獲大讚溫暖又治愈；而AGA騷後在社交網上載自彈自唱短片，留言：「Much Love，希望你們喜歡這次我們所準備的新歌。」JW則在社交網留言感謝歌迷：「在台上看到大家的笑容同大合唱，真係好感動，雖然天氣好熱，但大家一起享受舞台，一切都值得。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
