無綫處境劇《愛．回家之開心速遞》是香港最長壽的處境劇，劇集正向10周年邁進之時卻即將停拍，但總算畫上完美句號。劇中演員收到消息都大感不捨，希望公司開拍全新處境劇時有緣再聚。當中「熊若水」呂慧儀回覆東網時表示，期望可以參與新處境劇的演出，至於「熊樹根」劉丹則再三強調「唔使驚」。
對於《愛．回家》即將停拍的消息，東網聯絡上呂慧儀，她表示：「雖然唔知幾時會停，如果要停就梗係會唔捨得，不過有開始就會有結局，都希望嚟緊有更精彩嘅處境劇睇，可以參與就更好。」問到如果真係停拍，之後會有甚麼打算，她續指：「如果拍完大結局，我就會唞一唞先，畢竟咁多年冇停過，由第一集拍到完嗰一集，畀啲時間自己回味一下努力拚搏嘅呢幾年。我自己嘅教育中心一路都有做緊，有時間就可能再進修下。」劉丹回覆東網時指：「我就真係唔知喎呢件事，因為呢兩日我都休息，但我聽日要返工呀！唔驚嘅，TVB做嘢都好穩陣，聽日返到去就知道咩事。唔使驚~唔使驚~」
「龔燁」張景淳對於停拍亦大感大捨，表示：「《愛．回家》1月開鏡，我係同年10月加入嘅，都係拍咗9年幾。非常不捨的。但喺最後嘅呢段直路，我會落力拍好佢。因為呢套劇真係陪咗大家10年，真真正正係好多依家剛剛畢業嘅年輕人親口話俾我聽，係佢哋由細睇到大嘅劇，所以一定要做好佢。咁之後嘅方向都係完全聽公司安排，佢哋嘅安排比我自己周全好多，我會放心喺休息階段去再增值吓自己同train吓body之類。」
飾演「江百慧」的鄺潔楹亦回覆東網，表示：「一定唔捨得呀，我第一套劇集就係《愛．回家之開心速遞》，由大學生做到入咗去接龍集團，估唔到一做就8、9年。有好多好好嘅回憶，有啲由同事變成好好嘅朋友。不過都聽講公司會有新嘅處境喜劇，希望大家都可以再喺新嘅處境喜劇或者其他節目再一齊合作。」
「蔥頭」丘梓謙回覆東網，指：「很不捨得，好開心做到『蔥頭』角色，令更多人認識我，開心有一班好好的『屋企人』，雖然我唔屬於熊家和龍家，但都當咗佢哋係屋企人，每次開工會一齊食飯、萬歲下午茶，大家真的好像一家人，同11廠的同事成日嬉嬉哈哈拍每場戲是很開心的過程。頭先睇番原來我拍《愛．回家》已經5年，相信日後同『屋企人』可以在第二套劇再遇上。」
「Bonnie」林凱恩亦回覆表示：「能夠成為Bonnie，係我人生中最值得感恩同最快樂嘅其中一件事。有一個節目陪住我走過青春、見證我成長，呢份經歷既難能可貴，亦無可取代，期待更多的可能。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
