古明華北上開餐廳
古明華在訪問中坦言做演員同做餐廳完全是兩件事：「做演員係自己喜歡嘅工作，做餐廳係生活上需要嘅工作。餐廳點解會做呢？就係偶然情況之下，行咗上呢條賽道，做演員嘅工作唔多，變咗而家做餐廳嘅時間多咗。」不過古明華就表示不會放棄演員工作，只要有戲拍就會拍：「我一路做住餐廳，一路等機會嚟。」
古明華嘆做餐飲競爭大坦言「捱緊」
古明華離巢後曾有一段時間直播帶貨，起初是設立一個茶餐廳風格的帶貨場地，但其後發現做餐廳更好做，所以投資人就決定改成做餐廳，但他坦言目前餐廳的收入未能滿足生活：「其實大環境比較差，我哋個生意都唔係好好，我有少少股份呢度，咁呀喺度捱緊，大老闆每個月都喺度蝕緊錢，我唔知佢肯蝕到幾時，只要佢話真係頂唔順，咁就冇喇，咁我就要再做返帶貨。」他更直言做餐廳比做演員更「卷」：「演員點樣卷都好，你有實力唔會俾人卷咗去，但係餐飲唔同，只要有人肯開平啲，咁就卷走咗你。」最後他亦呼籲大家多多幫襯！
古明華曾連續開工50小時捱到病
畢業於演藝學院的古明華，過往演繹過不少經典角色，2012年他憑劇集《巴不得媽媽》中「蘇基」一角彈起，更在《萬千星輝頒獎典禮2012》上奪得最佳男配角。不過由於女兒在10歲時確診患上腎小球炎症，每月的醫療費用過萬元，加上太太曾遇車禍，後遺症令她行動不便，古明華要一人背起家庭重擔。而古明華就身兼演員及配音員，曾試過連續工作50小時，收入增多的同時，本身患有糖尿病的他卻捱到肺病，2016年他因肺結核住院3個月，2020年年初又因為急性膽囊發炎要緊急入院做手術，切去整個膽囊，休息了三個星期就為ViuTV真人騷《中佬唔易做》開工，相當搏命。兩度經歷大病的古明華在2020年年初離巢向外闖，北上發展爭取更多機會。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
