難忍惡毒標題侮辱：覺得全香港都唔鍾意我
在娛樂圈打滾四份一世紀，Theresa坦言是非厚過電話簿。當主持問到入行以來有否感到不忿時，她直認不諱：「梗係有啦，咁多呢啲新聞，梗係嬲我仲好記得啲標題！」她隨即點名兩個令她最深刻、最受傷的報道標題：「第一個就係『傅穎死狗道歉』，另一個就係『食咗屎嘅女孩』（當年出新歌《花吃了這女孩》）。」
Theresa表示這些字眼已經超越了批評，而是惡意的人身攻擊：「我覺得呢兩個標題，已上升到侮辱程度，唔係單純話你走音。當有人話你食咗屎或者話你死狗，其實係想侮辱你，將你踩落地底。」面對鋪天蓋地的負評，當時的她只能選擇「硬食」及「返屋企喊」。她慨嘆外界只看報紙認識她，被塑造成一個麻煩、愛搞是非的人，令她一度深陷低潮：「大家對我印象唔會好，我當時覺得，全香港人應該都唔鍾意我。」
豁達面對Haters 視被鬧為「消業障」
不過，歲月磨練出強大的心臟。對於今次出新歌，Theresa坦言已做好被Haters針對的心理準備。她深知自己不是「唱家班」，預料一定會有人笑、有人鬧，但現在的她已看化，更以超然的心態面對：「我知道會俾人鬧，但我有隱隱約約嘅開心嘅！因為可以有機會消業，哈哈哈！如果早啲知，可能已經消咗好多業力！」她直言現在出歌的意義，除了傳達訊息，就是「消業」。
拒開名保護唱歌老師 缺席Cookies重組不介懷
為了做好新歌，Theresa其實有找唱歌老師補習，但她搞笑地堅拒公開老師身份：「我驚佢哋俾人鬧，哈哈哈！我自己受得喇，佢哋唔需要受呢啲苦。」至於屢傳不和及被指「膠面」，她亦一笑置之，直指當年被屈整容其實只是化妝效果，現在美妝博主盛行，大家才開始相信化妝的威力，並笑稱整容傳聞在她的八卦新聞中已算「最minor」。
提到去年Stephy開演唱會促成Cookies重組，唯獨欠缺她與Serena，再度惹來網民冷嘲熱諷。Theresa對此顯得毫不在乎：「bother唔到我啦，我已經唔會用以前嘅思維睇呢啲事。」至於將來會否舉行「消業演唱會」再邀請Cookies合體？她沒有把話說死：「咁又要睇對方願唔願意被邀請，呢刻真係講唔到，因為呢個世界係無絕對。」她強調《成年禮》這首歌，就是將過往所有的負面經歷轉念，化作送給自己的一份禮物。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
