藝人岑麗香在無綫播出的劇集《重案解密》中一洗以往的甜美「花瓶」形象，來個大反轉，以淡妝扮演實務硬淨的Madam，挑戰相當大，她接受東網專訪時坦言：「今次挑戰好大，但係好感恩有呢個機會，好多謝監製梁家樹同梁靖琪搵我，但接受挑戰都要畀心機做功課，睇咗好多電影、劇集，學習做呢個角色，自己好想出嚟有唔同以前嘅感覺。」
香香指除了角色跟以往不一樣相當吸引外，與梁家樹和首次合作的苗僑偉（三哥）也早有淵源，她說：「自己以前喺TVB拍第一套劇就係梁家樹監製，所以今次拍得好有親切感。入行嘅時候因為中文唔好，所以我係睇劇集去學廣東話，睇得最多就係三哥嘅劇，後來喺TVB餐廳見到三哥，佢咪我成日睇劇見到嗰個？三哥佢好友善，今次同佢做兩師徒，成個感覺好圓滿，好特別。」
在加拿大長大的香香，每次拍劇廣東話也是挑戰之一，劇本裏寫滿拼音已是家常便飯，今次的對白更要講得精簡和肯定，她笑言要多得三哥的失驚無神「大考驗」，她說：「三哥知道我係鬼妹仔，佢都有考我，想我講得正、講得神似，化緊妝嘅時候，佢會話：『香香講句對白嚟聽吓！』自己都好想做到，想佢任何時候考我，我都講到最好，係好好嘅互動，好多謝佢。」說到終於不再做「花瓶」角色，香香坦言相當珍惜這次難得機會，認為作為演員，有新挑戰相當重要，希望能做跟過往不一樣的香香。問到日後可希望繼續挑戰實力派角色？她笑言：「有人搵我做花瓶，我都想做㗎，證明我仲係靚，但都想試吓唔同嘅角色，好似反派、奸角、精神病、癲啲嘅角色，呢啲對演員嚟講都係好刺激。」
場地：1881公館
本文作轉載及備份之用 來源 source: http://hk.on.cc
|
鍾意就快D Share啦！
|
|
|
