視后佘詩曼（阿佘）與譚耀文（阿譚）今日（1日）出席無綫劇集《正義女神》大結局活動，兩人對結局大感捨不得，阿佘笑言很多人向她追問劇情，她都未有露口風，阿譚就指太太也有追看，且看得非常入戲，甚至看到拍手。對於網民讚阿佘演技再升級，連眼眉毛都有戲，她說：「今次使命希望做到同Man姐（《新聞女王》角色）唔同，冇Man姐個影子，自己已經好滿意，算有交代。（你鍾意意Man姐定言官嘅角色多啲？）好難揀，Man姐好勝，言官正義感重，唔揀，兩個都要。」問到《正》劇續集的進展，她認為最重要是看劇本：「睇吓有冇好古仔，都係睇劇本，唔係為拍而拍，希望承大家貴言開續集。」
阿譚坦言當然想拍續集，希望有更多打官司場口，以及讓他在劇中可以追回太太言官，最好有多些甜蜜場口。至於將開拍的前傳，阿佘直認無自己份，問會否感可惜？她說：「仲有好多強勁班底。（羅嘉良會拍前傳，你哋係咪好耐冇合作？）之前《家族榮耀》合作過。（你有冇機會喺前傳嘅彩蛋中出現？）唔知呢。」見阿佘在社交網晒出手臂曬傷照片，她解釋：「之前去馬來西亞工作，烈日當空曬兩個鐘，唔知咁犀利，所以冇搽防曬，真係畀當地粉絲錫到燶晒。（你因為《正》劇做媽咪，多咗媽咪稱號？）依家個個叫我媽咪，唔知開心定唔開心，但都慣，因為契仔女都叫我媽咪。」談到《正》劇推出閃卡，問她儲齊未？她笑言：「我點都會騎劫一套珍藏。（出面炒到好貴？）唔知咁受歡迎，我一陣幫粉絲簽多啲名先。」
總監製鍾澍佳今晚（1日）現身劇集大結局活動，對於有指因劇集獲佘詩曼坐鎮，令其身家暴升，他否認：「向來都係咁上下，冇分別，向來都係住獨立屋，內地嘅屋企係獨立屋，因為好平，唔貴，所以唔關事。（你身家豐厚？）OK啦，我好努力工作，專心工作，而且好慳。（話你又名車又名錶？）隻錶我戴咗十幾年廿，係十幾廿年前買。」談到《正》劇前傳《模範律師團》由陳煒出任女主角，他指劇中有好多女主角，陳煒是一個很重要的角色，主要交代她如何變成《正》劇中的高大狀，問到羅嘉良是否落實演出？他坦言：「傾得差唔多，我同佢係北京鄰居，車程只係5分鐘，佢應承咗。（前傳會唔會有阿佘客串？）係時空交錯，未必有佢出現，但會提到佢呢個人。」他寄望5月能開拍前傳，透露劇本已寫得差不多：「呢個星期起多幾集就搞掂，劇本度咗好耐，今年一月已開始度。（預咗《正》劇收視好？）應該係，觀眾反應好好，都係應該。」問他會否開拍《正》劇續集時，他叫大家給他點時間：「我要搜集資料，好以新聞女王咁，唔想拍到好類似，《新聞女王》第一同第二輯都好唔同，依家啲觀眾好貪心，唔容易招呼，要畀時間準備。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
