ViuTV《CHILL CLUB頒獎禮》昨晚舉行，MIRROR人氣王姜濤打破「二奶命」，揮低隊友Anson Lo （AL）首奪「年度男歌手」金獎，令AL「5連霸」夢碎！姜濤跟炎明熹「世紀對唱」頭貼頭兼一支咪兩份用，引發驚喜，古天樂以神秘嘉賓身份空降載歌載舞，掀起全場高潮！至於現場投票的「人人樂壇年度歌手及歌曲」獎，則由AL冧莊。
昨晚的頒獎禮共頒發16個獎項，早於下午5時前，各歌手的粉絲已雲集場外應援，當中以姜濤及AL粉絲人數最多，撐着雨傘落力打氣。
連續4年獲頒「年度男歌手」金獎的AL今年終於「斷纜」，僅獲銀獎，他領獎時相當大方，提到「神徒」時賣口乖說：「冇你哋我行唔到每一步。」至於姜濤成功作出「零的突破」摘金，他感性說：「前幾日過咗27歲生日，人生最難係26歲嗰年，好彩都過咗，大咗一歲好想多謝一個人，係佢教識我真正嘅愛同如何變成更好嘅人，相信27歲嘅姜濤會變成最好嘅。」而COLLAR成員邱彥筒（Marf）獲頒「年度女歌手」銅獎，她開心說：「呢個係我第一個個人獎項，多謝COLLAR所有成員。」
至於兩個由現場觀眾票選的「人人樂壇年度歌手大獎」及「人人樂壇年度歌曲大獎」均由AL冧莊，他感激投票的觀眾及粉絲：「知道自己仲可以做好啲，無論係快歌定慢歌，希望可以堅持自己鍾意做嘅嘢，出多啲唔同類型嘅歌。」又指得獎歌《年年有今日》超級正能量：「雖然歌名好似好寸，其實係叫大家珍惜每日。」並高呼：「我哋都有今日喇！神徒！」
古天樂驚喜跳唱
全晚製作略嫌沉悶，頒獎嘉賓欠奉，大批網民留言狂踩欠新意，全晚最令人期待的是兩大「人氣王」姜濤與炎明熹（Gigi）首次同框演出，兩人先後獨唱後，再合唱Gigi新歌《Colors in the Air》及姜濤的《Master Class》，期間兩人突然靠近Share一支咪，一個進擊一個怕醜，令全場尖叫起哄；而AL則與台灣歌手周湯豪鬥唱鬥跳。頒獎禮尾聲，台上突然出現一位外國人假扮古天樂（古仔）唱《今期流行》，原來古仔已在台下準備，高呼一句「依家梗係唱《世紀大騙局》啦」然後登場跳唱，掀起全晚高潮！
其他獎項方面，MIRROR勇奪「年度組合」金獎，銀獎COLLAR領獎時致電隊長Gao報喜，銅獎則由雷同二友奪得。「年度新人女歌手」金獎由盧慧敏奪得，銀獎是COLLAR的Day。歌曲獎方面，林家謙的《四月物語》及陳凱詠的《Switch》排名第二、三位，林家謙同時獲頒「年度作曲人」；馮允謙的《吉卜力》、Marf的《Love Me Down》及陳柏宇的《一天》亦躋身「十大」。
林家謙「降呢」缺席 馮允謙首摘「唱作」金獎
打頭陣頒發的第一個獎項為「年度唱作歌手」，大熱馮允謙（Jay）、陳卓賢（Ian）及林家謙全部有獎，不過金銀銅大執位，過去連續5年摘金的林家謙，今年「降班」只得銅獎，難怪缺席，主持駱振偉表示會交由速遞公司送上獎座，又似有骨地說：「做頒獎禮主持真係好難，下一位歌手喺唔係度？」而過去在該台只攞過銀、銅獎的Jay終於摘金，他說：「未試過攞金獎，多謝投我一票。」又指創作路不易行，因並非一坐低就有靈感；而銀獎得主Ian順道預告本月23日出新歌。
鄧麗欣帶隊熱身 許志安跳唱完勝後輩
頒獎禮今年邀來不少表演嘉賓，當中包括鄧麗欣與許志安等，當中鄧麗欣聯同Edan及陳健安等打頭陣，各自獨唱後再合唱《宇宙最強》，炒熱氣氛。至於許志安（安仔）先跳唱首本名曲《翻騰》，再率領後輩Alton、偶像女生及IdG Bubbles等熱唱《REBOUND》，安仔的唱功完勝新一代，舞藝亦相當不俗，未被比下去。
另外，Marf、Winka、Jer、黃妍及陳宗澤大唱經典金曲向前輩致敬，Marf以紅色喱士Corset配短裙性感獻唱《烈燄紅唇》，被網民批評唱功有待磨練；黃妍與陳宗澤分別獻唱張國榮的《大熱》及陳百強的《喝采》，Winka則獻唱劉美君的《最後一夜》；而Jer獻唱陳潔靈的《白金升降機》時反應最好，他由觀眾席走出來再跑上台，可謂走勻半場！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
