炎明熹（Gigi）昨晚（4日）出席《CHILL CLUB推介榜 年度推介25/26》後接受訪問，首次跟姜濤合作的她，直言感覺非常新奇，指見得對方愈多，便感到有更多事情可以從對方身上學習，她表示昨天進行了3小時正式綵排，雖然時間緊絀未能傾談更多，但期間對方一直很照顧她。
對於與姜濤合作，她更以「難以言表」4個字來形容：「有少少怕醜，我哋綵排時都戴鴨舌帽，試過撞埋一齊，今日就冇咁近，有一個安全距離！」她又表示出場時有傾談過流程：「佢唔想我太緊張，姜生有安慰我，叫我放鬆啲！佢真係有好多地方值得我去學習，佢真係好用心，同埋Feel到佢好Chill，令成個氛圍好輕鬆，我自己就好繃緊自己，心態有相差，要向佢學習。」她又説：「今次係我今年第一次喺咁多觀眾面前唱歌，所以好緊張，佢喺後台都有同我傾吓偈，幫我紓緩壓力。（台上超近距離對望用同一支咪，係夾定定驚喜？）係有夾過嘅，大家唔使擔心。」
Gigi高興表示今次今次合作很好玩，又可讓她認識更多歌手朋友，因自己比較內向，要她主動去認識可能會有一點難度，但透過合作去慢慢認識會比較容易，問到跟姜濤合作有否「過電」？她説：「我係有少少…怕醜嘅。（即係電親？！）你哋點講就點講（會擔心姜濤粉絲嬲你？）呢個只不過係個騷，同埋相信大家嘅粉絲都好理智，所以冇問題嘅，我相信你哋！」問她會否擔心今次出席演出，會令她更難有機會再次現身無綫？她表示不知道，但自己很珍惜任何機會，希望大家多找她合作，自己會一直努力，提到她之前曾表示希望能再次跟無綫合作，她指對方暫時未有邀請：「可能某一年、某一月嘅某一日有機會再上去。」她笑言只要在生的話也不能抹煞機會，自己仍很期待跟對方合作。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
