零架子！巨星主動求合照兼體貼途人
在Threads的熱烈討論中，不少網民大讚部分藝人私底下超級親民，甚至比幕前更加「圈粉」。有網民分享偶遇任達華（華哥）：「喺機場見過任達華，成班同學搵佢合照，好好態度，真人高大有型。佢仲問其中一個生得個樣老成嘅同學：你係帶隊老師嗎？(並不是。。。。)之前其他路人都嚟影，影到推開任達華架行李車，佢都仲係笑笑口。」激讚他完全沒有明星架子！
另外，亦有網民憶述在地鐵中遇到羅蘭姐，當時羅蘭姐與朋友正在聊天，當網民民叫了一聲「羅蘭姐你好」，她很好笑容地回應：「你好」，之後羅蘭姐落車時，更回頭向這位網民講「再見」，令人十分窩心！也有網民表示曾遇見C君@農夫，網民的老公與他打招呼，C君又報以回應，態度就似是好朋友一樣。
也有人分享「節目級」遭遇，表示任職鞋店時遇過鄭裕玲（DoDo姐）睇鞋。「以前賣鞋跟過did did姐，佢睇中對鞋，但放得太高，點知佢一野行埋我側面同我講。你咁鬼矮邊拎到，等我黎拎。個口吻同電視上面一模一樣，係我心目中藝人最緊要夠真。」
不過，也有些網民分享令人不爽的遭遇。「做馬會會所見過鄭丹瑞，西口西面講嘢冇尾音」、「以前做sales遇過楊怡勁串，仍佢仲要2線姐仔，白鴿眼態度勁差」、「係7-11做pt見過王祖藍&李亞男，祖藍塊面黑到燶，唔知當時係咪發緊脾氣定本身就係咁樣，李亞男就好似妹仔咁係隔離侍奉左右，埋完單都有講唔該但feel到佢有啲尷尬」。
褪下光環 明星放工後也是普通人
大家在網上食花生、熱烈討論這些偶遇經歷時，其實亦不妨換個角度思考。明星在鏡頭前發光發熱，但「放工」之後，他們其實與你我一樣，只是個有血有肉的普通人。
有時候他們可能剛經歷了日以繼夜的密集拍攝，或者遇上了私人煩心事，甚至只是單純想享受一下不被打擾的私人時間。在這種情況下，面對陌生人的熱情，他們未必能時刻保持完美的笑容，態度顯得較為冷漠或是婉拒合照，絕對是人之常情。
點擊下圖睇埋其他留言：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
