藝人何雁詩（Stephanie）與鄭俊弘（Fred）戀情源自2017年。當年，鄭俊弘被爆背着已求婚的富貴圈外未婚妻Beebs，暗撻同門師妹何雁詩，令Stephanie淪為千夫所指的「第三者」，雙方形象一度直插谷底。最終，2人排除萬難於2020年拉埋天窗，並育有患上「天使綜合症」的4歲愛子鄭讚廷（Asher）。
何雁詩日前接受李凱賢（Brian）主持的HOY TV節目《九運會客室》訪問，在「辛辣提問」環節中，罕有地正面回應當年這段極具爭議的感情風波，李凱賢問到：「如果行返轉頭，真係知道（男有未婚妻）仍然選擇揀Fred？」何雁詩沉思數秒後坦白說：「因為當時我係唔知，如果我知仲會唔會同佢一齊？如果我知道晒佢當時嘅所有感情狀況，我唔會同佢一齊。」何雁詩透露現在生活很開心，表示：「佢畀我最大blessing，係佢畀我有小朋友...呢一刻開心有Asher & Fred呢個good family。但只去返當時事件，喺感情上我會選擇簡單啲，（明白呢個係辛苦）Yes」。何雁詩在節目中談及兒子時展現出無比堅強的母愛：「唔寄望佢識叫爸爸媽媽，希望佢健康快樂成長。」這番偉大的母親心聲，令同為父母的主持人李凱賢也不禁當場落淚。
除了感情風波，何雁詩被問到姊妹團「SÏXTERS」中邊個朋友最煩時，她毫不猶豫地點名蔡思貝，指對方情緒豐富：「係又喊，唔係又喊！」至於最鍾意的閨蜜，她則選擇陳瀅，並透露兩人是最早認識的朋友，過去更曾經同住過一段時間，感情基礎深厚，自然穩佔她心中的「最愛」位置。
另一嘉賓楊張新悅再次分享3年前，13歲大女Lucy因甲型流感細菌入腦致腦膜炎死過翻生的經歷。她憶述女兒確診腦膜炎後，因受細菌影響，入院時行為不受控制，要打針令佢安靜，佢話好痛好辛苦，最主要腦壓好高，正常人只係10幾20，但佢去到40幾50好誇張，所以要即刻決定同佢做手術。」
但經過醫生告之風險後，令做父母的她憂心兩難，表示：「醫生話，做嘅話有機會盲，唔做有機會死，做定唔做，一係死一係盲。好在當時我開始信佛，師父教我要冷靜，否認控制唔到自己同事情， 只會崩潰。」以為第一次手術完成會大步檻過，誰知翌日又收到醫院電話，表示︰「第二日醫院打嚟話唔得，腦壓問題仍然有，要幫佢個腦鑽窿，唔鑽一定癱，鑽亦有機會死。」
大女入住ICU的11天，楊張新悅憶述：「嗰段時間同老公人不似人。尤其中間段時間，收到醫院打嚟，問屋企人係咪想見下個女，一聽就好驚，叫晒公公婆婆、爺爺嫲嫲，全部去晒醫院。」可幸，大女最後走過鬼門關。重提事件楊張新悅哽咽表示︰「佢醒返時指住佢一邊手問︰『呢樣咩嚟？』佢當時半身郁唔到。」楊張新悅指女兒甦醒後還要接受連串治療，表示：「佢要練返着衫，因為佢有一段時間自己着唔到衫。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
