鄧萃雯遺憾未能見好友最後一面
鄧萃雯在安息禮結束後接受訪問，她直言陳敏兒離世當天，剛好正要啟程返回內地工作，「非常遺憾，我係啱啱上機返內地嗰日，謝寧打俾我，話如果可以，你就嚟睇吓佢啦，正正就係嗰日，但我嗰日必須要走。」鄧萃雯哽咽說：「我真係好遺憾！如果早一日知道，我一定會去。但我一定要走，無辦法。返到內地工作之後，我一直有問住（陳敏兒）情況，但當時知道佢已經差唔多了。」
鄧萃雯稱與陳敏兒最後一次見面已經是2023年，加上近年她較少留在香港，故未能很清楚對方的情況，很多時候都是透過謝寧得知，但謝寧沒有透露陳敏兒真實的病情，她坦言：「所以我一直以為佢冇嘢，好返。到我最後知道嘅時候，原來已經連最後一面都見唔到。」
得悉陳敏兒走得安詳：好似瞓咗覺一樣
當問到可知陳敏兒因何病離世時，鄧萃雯表示自己還沒有時間去詳細詢問情況，她只知道當時收到通知要盡快去見最後一面。「跟住我聽佢哋講，（陳敏兒）就好似瞓咗覺咁，只係聽到人講嘢。」
禮堂播生前片段勾起二人回憶
安息禮上播放着陳敏兒的生前片段。鄧萃雯直言勾起了與對方昔日的回憶和相處，她透露二人經常在上堂的時候相遇，彼此都是非常熱愛學習的人，「佢係好好嘅，有時會用自己嘅經歷鼓勵我。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
