NBA當家球星、人稱「字母哥」安迪杜甘普（Giannis Antetokounmpo）一連兩日訪港行程已經展開，佢已於尋日（9日）出席收費見面會，今日（10日）再現身灣仔修頓場館，與獲邀請嘅本地年輕球員交流。據知多個活動並非開放予公眾入場，僅供獲邀請的非牟利慈善團體、學界球隊及相關人士參與。估唔到於其中一個閉門活動中，竟然驚喜見到人氣偶像姜濤低調現身，未知是否獲品牌邀請出席。佢繼續以一身黑打扮示人，以佢一貫「波牛」Look出席，即令現場網友忍唔住狂舉機。
現年31歲的「字母哥」，曾經在2019年和2020年2度奪得NBA常規賽最有價值球員，其後更於2021年助公鹿睽違50年後再度贏得總冠軍，他亦榮膺總決賽最有價值球員。熱愛籃球嘅姜濤當然唔放過見男神嘅機會，偷偷現身安迪杜甘普見面會現場，仲驚喜露出手臂仔，又有機會同男神一齊打波切磋球技，難怪佢張張相都四萬咁口，非常開心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
