聽聞安祥離世感到安慰
家燕姐憶述曾與鍾景輝合作場面，並表示他很照顧後輩：「你同佢一齊工作時候真係獲益良多嘅，今日突然間接到佢離去消息，係感覺好難過，當然係唔唔捨得啦。因為呢一兩年我自己工作關係，我都少同佢聚會。但係後尾佢哋話畀我聽，佢係瞓瞓吓覺嗰時候安祥咁走嘅，我就為之安慰啦，呢個都可能係因為係佢嘅福氣，希望佢屋企人節哀順變。」提到鍾景輝對演藝界嘅貢獻，家燕姐直指他是自己的導師。
家燕姐被問到與鍾景輝最難忘的事情是什麼時，她表示當時自己還是麗的藝員時：「嗰陣時King Sir已經係我哋嘅上司，咁好多時傾合約嘅嘢，佢都畀好多好中肯嘅意見俾我哋。你覺得應唔應該續約啊 ？你覺得喺邊方面想發揮多啲啊？佢都好詳細咁樣幫我哋分析啦 ，等你去了解，佢又唔會話強迫你一定要續約，佢冇咯，咁你覺得佢好Nice㗎，所以我哋真係勁愛佢。」
至於對上一次見鍾景輝，家燕姐則指是兩三年前：「因為佢近期就少出嚟。」再加上她自己四出登台，很少留在香港，但是「天下無不散之筵席」，聽到鍾景輝在睡夢中離去都感到安慰。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
