戲劇大師鍾景輝（King Sir）於今日（3日）早上離世，享年89歲。圈中人緣極好又徒兒遍天下嘅King Sir於睡夢中離世，資深演員盧宛茵接受TVB娛樂新聞台電話訪問，提到原本已相約今日與另一藝訓班同學一齊探望King Sir，惟早上突然收到對方離世噩耗，直言感到非常難過。
盧宛茵表示King Sir係自己一生中最崇拜、最尊重嘅人，自己非常欣賞聰明同有才華嘅人，對於King Sir早於1960年代就已經係美國名校畢業嘅戲劇大師兼博士，得過無數獎項，自己身為其學生都獲益良多。佢回憶當年入讀TVB藝員訓練班時，正係由King Sir親自教導，對方教學認真，佢感激表示自己自入行至今所有幕前演繹，全部都係受到King Sir當年教導同啟發，尊師之教誨一直受用至今。
兩人過往曾合作過多部作品，最深刻嘅包括經典處境劇《高朋滿座》，如今面對恩師離世，未能見到最後一面，令佢深感遺憾與痛心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
