79歲前TVB老戲骨陳嘉儀拍過無數劇集，早在70年代入讀第一期藝訓班入行的她，先後拍過《小婦人》、《家變》、《千王之王》等經典劇集，及後曾在90年息影，並在千禧年代重返幕前，演出《金枝慾孽》、《十月初五的月光》、《十萬噸情緣》等劇集，多演靚太、主角母親等令人印象深刻，直至2008年再度淡出過退休生活。
絕迹幕前的她今年初罕有現身交代近況，透露從珠海返港生活1年多，剛不幸生蛇，被病魔纏擾多時：「我搬屋、pack嘢、又搬出搬入，都係一個人做，咁就太辛苦，結果免疫力就降低，導致生蛇喺個口、鼻，跟住生上眼」，隨後先後求醫中、西醫及眼科，幸好沒有留疤痕，但生蛇後免疫力低，容易傷風感冒。
她又重提當年選擇再度息影，放棄自己的事業，原來全因想陪伴亡夫：「我喺呢行做咗30幾年好忙，根本冇時間陪伴過我老公，因為後來佢糖尿病好嚴重，醫生話佢心衰竭、腎衰竭，已經係差唔多，所以我就離開TVB，最後陪伴咗佢9年佢先走」。兩人由拍拖至婚後感情要好，相愛了40多年，但提到亡夫離世，陳嘉儀坦言當時是她親自決定放棄搶救老公，並剖白箇中真相：「喺個喉嚨插入一條管，入去個肺嗰度畀氧氣佢，但係佢唔會好番，只係延長佢幾日嘅生命。佢要24小時擘大個口，嗰個喉係鐵，我唔想我老公咁辛苦，咁我話如果最後嘅時候，我唔需要做最後呢一步救佢，等佢順其自然咁離開」。
可惜她此舉卻不獲兒子認同，更被責怪「點解唔救爸爸」，加上老公離世的打擊，她毅然離港到珠海獨自生活5年，更因睹物思人喊足1年半，後來才終於醒覺：「有一日我望住塊鏡喺廁所度，『點解我咁醜樣嘅？』我以前成日都笑，唔憂心㗎，有兩條紋出咗嚟，個樣咩叫『苦瓜乾』，就係我嗰個樣」，自此她重新振作，決定不再以淚洗面。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
