兩度拍片談成龍
近年轉戰內地社交平台的盧惠光，上月12日才拍片大談這位舊老闆成龍，第一句已語出驚人說：「拍《醉拳2》嗰陣時，我真係幾憎成龍。」不過，這份「憎」並非因為金錢糾紛，而是源於成龍在片場的要求嚴苛。事隔不足一個月，日前他再度拍片談及對方，並極力澄清二人從未交惡，但言語間一句「冇永遠嘅敵人」，卻被網民覺得說出「重點」，默認了雙方曾有過不快經歷。
盧惠光：冇永遠嘅敵人
片段中，盧惠光說：「個個都話我同大哥咩反面唔開心，邊度有啲呢㗎，呢個世界上冇永遠嘅敵人，啲人成日誤會，唔知內幕就盡量唔好講囉。成龍大哥搬去北京嘅時候都有問我，你跟唔跟我過去北京呀，我梗係唔過啦，我有兩個仔喺度嘛，所以一開戲打畀我，《十二生肖》我都有拍，喺個山洞裡面同佢打咗十幾日，佢返嚟香港都會call我去食飯，成班人同彪哥（元彪）吹吓水、食雪茄，飲吓啲酒，談生風生。」
除了在影片中發聲，盧惠光亦在帖文留言派定心丸，寫道：「別擔心，我和成龍大哥都好好的！#做兄弟在心中 #成家班 #成龍 #盧惠光」。
網民心水清：好像肯定了發生過不愉快
儘管盧惠光努力闢謠，但網民的焦點卻全落在他那句「冇永遠嘅敵人」上。網民紛紛留言表示聽出弦外之音，有人直指「沒有永遠的敵人，劃重點」，也有人留言稱「沒有永遠的敵人....這句話...怎麼好像肯定了發生過不愉快」。同時亦有網民為他平反，認為「盧惠光辟謠了三次（兩次），可惜辟謠的熱度永遠趕不上黑子的黑度」，甚至有人直言「成龍都快80歲（72歲），放過他啦」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
