利辛度馬天尼斯今場踢咗44分鐘傷出。(Getty Images)
阿根廷喺世盃決賽加時0比1不敵西班牙，其中一個主因係中堅利辛度馬天尼斯臨完上半場受傷退下火線，打亂領隊史卡朗尼部署。呢位「玻璃腳」早前捲入「政治橫額風波」，成為英國國民眾矢之的，甚至連曼聯球迷都要求球會同佢提早解約，現時又受傷，紅魔鬼成為最大輸家。
綽號「地面屠夫」嘅利辛度馬天尼斯今場踢咗44分鐘傷出，由老將奧達文迪入替，造就呢位中堅以38歲零157日成為世盃決賽史上第3大年齡上陣球員，僅次於意大利鋼門索夫(40歲零133日)及美斯(39歲零25日)。
與此同時，利辛度馬天尼斯成為世盃決賽史上第5位上半場因傷被換離場嘅球員，可見以往半場換人非常罕見，完全出乎主帥史卡朗尼意料之外，加上浪費1次換人名額，令加時落後之下，失去調動機會。
利辛度馬天尼斯受傷，阿根廷固然受拖累，但曼聯先至係最大輸家，佢加盟紅魔鬼4年以來，經常因傷缺陣，上季僅19次披甲，自己更承認一度心灰意冷想「掛靴」。利辛度上季季尾復出後，難得重拾勇態，但卻喺最後1場世盃受傷，以佢過往「長抖」經歷，未知今次又要休戰幾耐，可能影響為曼聯備戰新球季。
除咗傷患問題之外，阿根廷喺世盃4強淘汰英格蘭後，利辛度馬天尼斯等人公開展示「福克蘭群島係屬於阿根廷」橫額，引起英國政府同國民震怒，甚至可能被取消工作證。利辛度受兩大不利因素夾擊，前途暗淡，恐怕曼聯今夏都要簽入新中堅以備不時之需。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
