暢遊希臘秘境 鮮橙色比堅尼大晒惹火身材
炎炎夏日，熱愛與陽光玩遊戲的胡美貽近日飛到希臘伯羅奔尼撒半島（Peloponnese）馬尼地區（Mani）的利梅尼村（Limeni）度假，該地以翡翠色的清澈海水聞名。心情大靚的Nicole昨日（24日）在IG上載了多張旅行靚相，當中最曯目必定是她身穿鮮橙色比堅尼、在遊艇上拍攝的單眼甜笑照片。不過，只有單人相，未知是否與男友同行，由男友視角操刀拍攝。
相中可見，Nicole展現出一身健康的迷人小麥色肌膚，腹部線條結實，身上完全沒有半點贅肉，體態完美之餘更散發著滿滿的陽光氣息。一眾網民看後都大流鼻血，紛紛留言激讚：「好身材靚女」、「泳衣永久漂亮」、「咁耐冇post，愈來愈靚，愈來愈fit」、「人靚景靚」，電力驚人。
謝玲玲恨飲新抱茶
胡美貽自細在美國長大，其父親於當地經商，母親則是醫生，未選港姐時已曾獲父親資助100萬元在美國創業，所以胡美貽家境本身不俗。而她與百億闊少林孝賢的戀情一向備受矚目，有傳已進駐男友市值4億的獨立屋同居，穩坐女主人地位。早前未來奶奶謝玲玲公開發文表示恨飲新抱茶，揚言對新抱沒有要求，疑似向胡美貽大開綠燈！
雖然半隻腳已踏入豪門，但Nicole金對婚事卻毫不心急，她曾接受《香港01》訪問就透露未有結婚計劃：「咁我又冇打算。我係嗰啲隨遇而安嘅人，會嚟就會嚟。（都想嘅？）冇呀，我反而覺得人哋想多過我，除咗我之外，所有人都好想。（『佢』比較想？）我啲屋企人同埋朋友都會比較想我有好結果。（另一半想結婚？）你知唔知呢個年代唔興結婚，而家好興單身，唔係唔想，而係冇乜所謂。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
